ތިލަމާލެ ބްރިޖްގެ ދެ ތަނބު ގުޅުވާލުމަށް އަޅާ ޕްރީކާސްޓް ސެގްމަންޓުގެ ފުރަތަމަ ސެގްމަންޓު މިއަދު ވިލިމާލޭ ކޮޅުން ފެށުން. (ފޮޓޯ/ ކޮންސްޓްރަކްޝަން މިނިސްޓްރީ)
ތިލަމާލެ ބްރިޖުގެ %40 މަަސައްކަތް ނިމިއްޖެ
މާލެ އިން ފެށިގެން ތިލަފުއްޓާ ހަމައަށް ގުޅާލުމަށް އަޅާ ބްރިޖުގެ %40 ނިމިފައިވާ ކަމަށް ކޮންސްޓްރަކްޝަން މިނިސްޓްރީން މިއަދު ބުނެފި އެވެ.
ވީ ކިހިނެއް؟ - އެ މިނިސްޓްރީގެ ސްޓޭޓް މިނިސްޓަރު މުހައްމަދު ތޮއާމް އިބްރާހީމް މިއަދު "އެކްސް"ގައި ކުރެއްވި ޕޯސްޓެއްގައި ވިދާޅުވީ ތިމަލާލެ ބްރިޖުގެ %40.47 މަސައްކަތް ނިމިފައިވާ ކަމަށެވެ.
ތަފްސީލް - އޭނާ ވިދާޅުވި ގޮތުގައި މިދިޔަ އަހަރުގެ ނޮވެމްބަރުގެ ނިޔަލަށް ނިމިފައި އޮތީ ބްރިޖުގެ %29 އެވެ. ކޮންސްޓްރަކްޝަން މިނިސްޓްރީން ބުނި ގޮތުގައި:
-
ބްރިޖުގެ އެއް ތަނބު އަނެއް ތަނބާ ގުޅުވާލަން އަޅާ ޕްރީ ކާސްޓް ސެގްމަންޓުގެ ފުރަތަމަ ސެގްމަންޓު އަޅައި ތަނބުތައް ގުޅުވާލުމުގެ މަސައްކަތް ވަނީ ފަށާފައި
-
އެމަސައްކަތް ފެށީ ވިލިމާލެއާ ދިމާލުން
Today, the first marine precast deck segment of the MTL Bridge project has been launched near Villimale.
— Ibrahim Thoaam (@thoaam) July 11, 2024
The overall completion of the MTL bridge project has reached 40.47% in comparison to approximately 29% in November 2023.#mcimtlbridge#mocimtlbridge pic.twitter.com/h69Eacjd2B
އެނގުން މުހިންމު - ކޮންސްޓްރަކްޝަން މިނިސްޓްރީން ކުރިން ބުނީ 2026ގެ ސެޕްޓެމްބަރުގެ ނިޔަލަށް ބްރިޖްގެ މަސައްކަތް ނިންމާލެވޭނެ ކަމަށެވެ.
ތިލަމާލެ ބްރިޖުގެ މަޝްރޫއަކީ އިންޑިއާގެ އެގްޒިމް ބޭންކުގެ ލޯނަކުން ހިންގާ މަޝްރޫއެކެވެ. އެ މަސައްކަތް ކުރިއަށް ގެންދަނީ އިންޑިއާގެ އެފްކޮންސް ކުންފުނިންނެވެ.
-
ކުރީ ސަރުކާރުގައި އެ މަސައްކަތް ކުރިއަށް ދިޔައީ ތާވަލަށް ވުުރެ ލަސްކޮށް
ތިލަމާލެ ބްރިޖުގެ މުހިންމު ތަފާސްހިސާބުތައް:
-
އަގު: 500 މިލިއަން ޑޮލަރު (6.2 ބިލިއަން ރުފިޔާ)
-
100 މިލިއަން ޑޮލަރު (1.55 ބިލިއަން ރުފިޔާ) އަކީ އިންޑިއާގެ ހިލޭ އެހީ
-
ބްރިޖުގެ މަސައްކަތުގައި ތުރުކީ، ޖަރުމަން އަދި އޮސްޓްރޭލިޔާގެ މާހިރުން ވެސް ބައިވެރިވޭ
-
މަޝްރޫއުއަށް ލޯނު ދިނީ އިންޑިއާގެ އެގްޒިމް ބޭންކުން