އެމްޑީޕީން މަޖިލީހަށް ލީ ކުއްލި މައްސަލަ މިއަދު ވެސް ބޭރުކޮށްލައިފި

ސިޔާސީ މަގާމުތަކާއި ސަރުކާރު ހިއްސާވާ ކުންފުނިތަކަށް "ހައްދެއް ނެތި" މުވައްޒަފުން އިތުރުކުރުމަށް ޓަކައި އެ ކުންފުނިތަކުގެ އާދައިގެ މަގާމުގައި ތިބި މުވައްޒަފުން ވަޒީފާއިން ވަކިކުރާ ކަމަށް ތުހުމަތުކޮށް އެކަން ހުއްޓާލަން ސަރުކާރަށް ގޮވާލައި އެމްޑީޕީގެ ފަރާތުން މަޖިލީހަށް މިއަދު ހުށަހެޅި ކުއްލި މައްސަލަ ބަލައިނުގަނެ ބޭރުކޮށްލައިފި އެވެ.

ވީ ކިހިނެއް؟ - އެ މައްސަލަ މަޖިލީހަށް ހުށައެޅީ އެމްޑީޕީއަށް ނިސްބަތްޗާ ކެންދޫ ދާއިރާގެ މެންބަރު މައުރޫފް ޒާކިރު (މަޓޭ) އެވެ.

ތަފްސީލް - މަޖިލީހުން މި މައްސަލައަށް ބަހުސް ކުރަން ނުފެންނަ ކަމަށް ފާސްވީ ޖަލްސާގައި ހާޒިރުވެ ތިއްބެވި 69 މެންބަރުންގެ ތެރެއިން 57 މެންބަރުންގެ ވޯޓުންނެވެ. ފެންނަ ކަމަށް ވޯޓު ދެއްވީ 12 މެންބަރުންނެވެ. ވޯޓުގައި ބައިވެރިވެވަޑައިގަތީ 69 މެންބަރުންނެވެ.

އެ މައްސަލައިގައި މައުރޫފް ވިދާޅުވީ:

އެކަންކަމަށް ބާރުދީ މައުރޫފް ވިދާޅުވީ ފޭދޫ ދާއިރާގެ ކުރީގެ މެންބަރު މުހައްމަދު ނިހާދު ޓޫރިޒަމް މިނިސްޓްރީގެ ސްޓޭޓް މިނިސްޓަރަކަށް މިދިޔަ ހޮނިހިރު ދުވަހު އައްޔަނުކޮށްފައިވާކަމަށެވެ.

"ސަރުކާރުގެ ސައްތައިން ސައްތަ އޮންނަ ރޯޑް ޑިވެލޮޕްމަންޓް ކޯޕަރޭޝަންއަށް އަޅާފައިވާ ފިޔަވަޅުތަކުގެ ދަށުން އެތަކެއް މުވައްޒަފުންނަށް ޖުލައި 4ގައި މެމޯ ފޮނުވާފައިވާއިރު ހަމަ އެ ދުވަހު ވަނީ ކުންފުނީގެ ހިއުމަން ރިސޯސް މަސައްކަތާއި ރިޕެއާ އެންޑް މެއިންޓެނެންސް މަސައްކަތްތައް ތަޖުރިބާކުރުމަށް ކަމަށްބުނެ 35،000ރ. ދެ ކޮންސަލްޓެންޓުން ނަގާފައި،" މައުރޫފް ހުށައެޅި އެ މައްސަލައިގައިވެ އެވެ.

އޭގެ އިތުރުން މައުރޫފްގެ މައްސަލައިގައި ބުނީ:

އެނގުން މުހިންމު - ސިޔާސީ މަގާމުތަކުގެ އަދަދާއި ސަރުކާރު ކުންފުނިތަކުން މުސާރައަށް ކުރާ ހަރަދު ސަރުކާރުން ހާމަކުރަމުން އިންކާރުކުރަމުންދާތީ އެކަން ސަރުކާރަށް ލާޒިމްކުރުމަށް ގޮވާލާ، އެމްޑީޕީގެ ފަރާތުން ގަލޮޅު ދެކުނު ދާއިރާގެ މެންބަރު މީކާއީލް ނަސީމް މިދިޔަ ހަފްތާގައި ހުށައެޅި ކުއްލި މައްސަލަ ވެސް މަޖިލީހުން ވަނީ ބޭރުކޮށްލާފަ އެވެ.