ގއ. ވިލިނގިލި: އަންހެނެއްގެ ބޮލުގައި ގާބުރިއަކުން ޖަހާ މާރާމާރީ ހިންގި މައްސަލައެއް ފުލުހުން އަންނަނީ ބަލަމުން
އަންހެނެއްގެ ބޮލުގައި ގާބުރިއަކުން ޖެހި މީހަކު ހައްޔަރުކޮށްފި
ގއ. ވިލިނގިލީގައި އަންހެނެއްގެ ބޮލުގައި ގާބުރިއަކުން ޖަހައި މާރާމާރީ ހިންގި މީހަކު ރޭ ހައްޔަރުކޮށްފި އެވެ.
ވީ ކިހިނެއް؟ - ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ރޭގެ ދަންވަރުގެ ވަގުތެއްގައި އެ މައްސަލަ ރިޕޯޓުކޮށްފައިވާ ކަމަށެވެ.
ތަފްސީލް - އެ މާރާމާރީގައި އަނިޔާވި އަންހެން މީހާއަށް އެ އަތޮޅު ހޮސްޕިޓަލުގައި ފަރުވާދިނުމަށް ފަހު ދޫކޮށްލާފައިވާ ކަމަށް ފުލުހުން ބުންޏެވެ. އަނިޔާވެފައިވަނީ 46 އަހަރުގެ އަންހެނަކަށެވެ.
ފުލުހުން ބުނީ މާރާމާރީ ހިންގި 32 އަހަރުގެ މީހާ ހައްޔަރުކޮށްފައިވާ ކަމަށެވެ.
އިތުރު ތަފްސީލެއް ނުދީ ފުލުހުން ބުނީ އެ މައްސަލަ ތަހުގީގްކުރަމުންދާ ކަމަށެވެ.