![](https://cdn.dhauru.com/s3/media/2024/06/29/70b610ff-c708-4b4e-9b1c-501fdd9eadb7.png?fit=crop-50-50&w=1400&h=800)
ކަސްޓަމްސްގެ އޮޕަރޭޝަނުގައި އަތުލައިގެންފައިވާ ސިނގިރޭޓުގެ އަދަދު 1.7 މިލިއަނަަށް އަރާ؛ މިތަކެތީގެ މާކެޓު ވެލިއުއަކީ 1.6 މިލިއަން ރުފިޔާ(ފޮޓޯ/ކަސްޓަމްސް)
ވަގަށް ރާއްޖެ އެތެރެކުރި 1.6 މިލިއަން ރުފިޔާގެ ސިނގިރޭޓް އަތުލައިގެންފި
ކަސްޓަމްސްގެ އިޖުރާއަތްތައް ފުރިހަމަނުކޮށް ރާއްޖެއަށް ސިއްރުން ސިނގިރޭޓްތަކެއް އެތެރެކުރި ބަޔަކު ހައްޔަރުކޮށްފި އެވެ.
ވީ ކިހިނެއް؟ - ކަސްޓަމްސްއިން މިއަދު ބުނީ، އެތަކެތި އަތުލައިގެންފައިވަނީ، މިދިޔަ ހޯމަ ދުވަހު އަދި ބުދަ ދުވަހު ކޯޓު އަމުރެއްގެ ދަށުން، ހުޅުމާލޭގެ ޖުމްލަ ފަސް ތަނެއް ބަލައި ފާސްކުރުމަށް ހިންގި އޮޕަރޭޝަނުގައި ކަމަށެވެ.
ބުނީ ކީކޭ؟ - ކަސްޓަމްސްއިން ބުނީ:
-
އެ އޮޕަރޭޝަނުގައި ޖުމްލަ 173 ކާޓަން ނުވަތަ 1.7 މިލިއަން ސިނގިރޭޓް ކަސްޓަމްސްގެ ބެލުމުގެ ދަށަށް ގެންދިޔަ
-
އެތަކެތީގެ ލަފާކުރެވޭ މާކެޓު ވެލިއުއަކީ 1.6 މިލިއަން ރުފިޔާ
-
އެތަކެތީގެ އިންޕޯޓް ޑިއުޓީގެ ގޮތުގައި ގާތްގަނޑަކަށް 5.6 މިލިއަން ރުފިޔާ ދައުލަތަށް ދަށްކަންޖެހޭ
ކަސްޓަމްސްއިން ބުނީ، އެ އިދާރާގެ މަސައްކަތްތައް މިއަދު ބިނާކޮށްފައިވަނީ ދުރާލާ ލިބޭ އިންޓެލިޖެންސް މައުލޫމާތާއި ޓްރޭޑް ޕްރޮފައިލަށް ބިނާކޮށް ކަނޑައެޅޭ ރިއާޔަތްކޮށް މުދަލުގެ ލިޔެކިއުންތައް ނިންމުމާއި، މުދާ ބަލައި ފާސްކުރުމުގެ މައްޗަށް ކަމަށެވެ.
އެގޮތުން ކަސްޓަމްސްއިން ބުނި ގޮތުގައި:
-
ގާނޫނާއި ގަވާއިދާ ހިލާފު އަމަލުތަކަކަށް ޝައްކުކުރެވޭ ހާލަތުގައި މުދާ ކުލިއާ ކުރުމުގެ ފުރުސަތު ދިނުމަށް ފަހު އެފަދަ އަމަލުތައް ހިންގާ ނެޓްވޯކްތައް ހޯދާ ވާސިލުވުމަށް ކޮންޓްރޯލް ޑެލިވަރީ އޮޕަރޭޝަންތައް ކުރިއަށް ގެންދެވޭ
-
މި އޮޕަރޭޝަންތަކުގައި މިފަދަ މުދާ ވައްދާ ތަންތަން ބަލައިފާސްކޮށް އެތަކެތި ކަސްޓަމްސްގެ ބެލުމުގެ ދަށަށް ގެންދެވޭ
-
އަދި އެފަދަ ފަރާތްތަކުގެ މައްސަލަތައް ބަލައި ގާނޫނާ އެއްގޮތްވާ ގޮތުގެ މަތިން ފިޔަވަޅު އަޅަމުން ގެންދާނެ
ކޮމެންޓް (2)
ށިހާމް
ފޮރުވަނީ