ހައްޖު ރޯގާ ފެތުރެނީ، ދާންޖެހިގެން ނޫނީ ހޮސްޕިޓަލަށް ނުދޭ: އައިޖީއެމްއެޗް

ހައްޖު ރޯގާ ބާރަށް ފެތުރެމުންދާތީ، ކޮންމެހެން ބޭނުންވާ ހާލަތްތަކުގައި ނޫނީ ހޮސްޕިޓަލަށް ޒިޔާރަތް ނުކުރުމަށް އައިޖީއެމްއެޗުން އިލްތިމާސްކޮށްފި އެވެ.

ވީ ކިހިނެއް؟ - އެ ހޮސްޕިޓަލުން މިއަދު ނެރެފައިވާ ހާއްސަ ދެންނެވުމެއްގައި ވާގޮތުން، ހައްޖުު ކްލިނިކަށް ހާޒިރުވާ މީހުންގެ ތެރެއިން ރޯގާގެ އަލާމާތްތައް ހުންނަ މީހުންގެ އަދަދު ވަނީ އިތުރުވެފަ އެވެ.

ބުނީ ކީކޭ؟ - އެހެންކަމުން، ބަލިމީހުންނާއި މުވައްޒަފުންނާއި މުޖުތަމައުގެ ރައްކާތެރިކަން އިތުރުކުރުމަށްޓަކައި ފިޔަވަޅުތަކެއް އަޅަން ނިންމާފައިވާ ކަމަށް އައިޖީއެމްއެޗުން ބުންޏެވެ. އެގޮތުން އިލްތިމާސްކޮށްފައިވާ ކަންތައްތަކަކީ:

ފާހަގަކޮށްލެވޭ - ކޮންމެ އަހަރަކު ވެސް ހައްޖުގެ އަޅުކަމުގެ ތެރޭގައި ގިނަ އަދަދެއްގެ ހައްޖާޖީންނަށް ހުމާއި ރޯގާގެ ވައްތަރުތައް ޖެހެ އެވެ. މި ބަލިތަކަށް ފަރުވާ ދިނުމަށްޓަކައި ހައްޖުގެ އަޅުކަމުން އަންނަ މީހުންނަށް ހާއްސަކޮށް އައިޖީއެމްއެޗްގައި ވަނީ ފްލޫ ކްލިނިކެއް ހުޅުވާފަ އެވެ.

އެނގުން މުހިއްމު - ގައިން ގަޔަށް އަރާ ނުރައްކާތެރި ބައްޔެއް ކަމަށްވާ، އިންވޭސިވް މެނިންގޯކޮކަލް ބަލީގެ ކޭސްއެއް ވެސް ހައްޖާޖީންގެ ތެރެއިން ވަނީ ފެނިފަ އެވެ. އެނގިފައިވާ ގޮތުގައި އެ ބަލި ޖެހުނީ، ހައްޖުގެ އަޅުކަން ނިންމާލުމަށް ފަހު އެނބުރި އައިތަނާ ބަލި ހާލަތު ދަށްވެގެން އޭޑީކޭ ހޮސްޕިޓަލުގައި ފަރުވާ ދެމުންދަނިކޮށް މިދިޔަ އަންގާރަ ދުވަހު ހަވީރު ނިޔާވި ފުޓުބޯޅަ ތަރި މުހައްމަދު އާރިފް (ބަކާ) އަށެވެ. ނަމަވެސް:

އިންވޭސިވް މެނިންގޯކޮކަލް ބަލި ޖެހިފައިވާ މީހާއާ އެކު ގިނަ ވަގުތުތަކެއްގައި އެންމެ ގާތްކޮށް އުޅޭ މީހުންނަށް ބަލި ޖެހުމުގެ ފުރުސަތު ބޮޑެވެ. މި ބަލީގެ އަލާމާތްތައް ފެންނަން ފަށަނީ ބަލި ޖެހޭތާ އެއް ދުވަހާއި 10 ދުވަހާ ދެމެދު އެވެ.

ހައްޖުގެ އަޅުކަން ނިންމާފައި އެނބުރި ދިޔަ ބައެއް އެހެން ގައުމުތަކުގެ މީހުންގެ ގައިން ވެސް މި ބަލި ވަނީ ފެނިފަ އެވެ.