ހިޔާ ފްލެޓް ކޮރިޑޯއެއްގައި ކުޑަކުއްޖަކަށް އަނިޔާކުރި މައްސަލަ ތަހުގީގު ކުރަނީ

ހިޔާ ފްލެޓްގެ ކޮރިޑޯއެއް ތެރޭގައި ބަޔަކު ކުޑަކުއްޖަކަށް އަނިޔާކުރި މައްސަލައެއް ފުލުހުން ތަހުގީގު ކުރަން ފަށައިފި އެވެ.

ވީ ކިހިނެއް؟ - ހިޔާ ފްލެޓެއްގެ ތެރޭގައި، ލިފްޓުތައް ކުރިމަތީ ކުޑަކުއްޖަކަށް އަނިޔާ ކުރާތަން ފެންނަ ވީޑިއޯއެއް ސޯޝަލް މީޑިއާގައި ވަނީ މިދިޔަ ހަފްތާގައި ދައުރުވެފަ އެވެ.

ތަފްސީލް - އެ ވީޑިއޯ އިން ފެންނަ ގޮތުގައި:

ފުލުހުންގެ ބަސް - އެ ވީޑިއޯ މިދިޔަ ބުދަ ދުވަހު ފުލުހުންގެ ސަމާލުކަމަށް އައިސްފައިވާ ކަމަށް ބުނެ ފުލުހުން ވަނީ މިއަދު މީޑިއާތަކަށް މެސެޖެއް ކޮށްފަ އެވެ.

ފުލުހުން ބުނި ގޮތުގައި، އެ މައްސަލަ ގެންދަނީ ތަހުގީގު ކުރަމުންނެވެ.

ނަމަވެސް، ވީޑިއޯގެ މައްސަލަ ތަހުގީގު ކުރުމަށް މިހާތަނަށް ކުރި މަސައްކަތުން އެއީ ކޮން ބައެއްކަން ދެނެގަނެވިފައި ނުވާ ކަމަށް ފުލުހުން ބުންޏެވެ. އެހެންކަމުން އެކަމުގައި ހިމެނެނީ ހަމައެކަނި ކުޑަކުދިން ކަމެއް ޔަގީނެއް ނުވެ އެވެ.

"ވީޑިއޯއާ ގުޅޭ އެއްވެސް މައުލޫމާތެއް ލިބިފައިވާ ނަމަ ފުލުހުންނާ ހިއްސާކޮށްދެއްވުން އެދެން،" ފުލުހުން ބުންޏެވެ.