ދަތުރުވެރިން ގެންނަ ތަކެތިން ޑިއުޓީ މައާފުވާ މިންވަރު 10،000ރ. އަށް ބަދަލުކުރަނީ

ދަތުރުވެރިން ރާއްޖެ އަަންނައިރު ގެންނަ ތަކެއްޗާއި، އަމިއްލަ ފަރާތްތަކުގެ ކުދިކުދި ބޭނުންތަކަށް ގެންނަ ތަކެތިން ޑިއުޓީ މައާފްވާ މިންވަރު 10،000ރ.އަށް ބޮޑުވާ ގޮތަށް ބަދަލުގެނެސްފި އެވެ. 

ވީ ކިހިނެއް؟ - މިހާރު ޑިއުޓީ މައާފުކޮށްދެނީ ކަސްޓަމްސްއިން ކަނޑައަޅާ އެފްއޯބީ އަގު 6,000ރ.އަށް ވުރެ މަތިނުވާ ނަމަ އެވެ.

ނަމަވެސް ކަސްޓަމްސްއިން ބުނީ 'އިމްޕޯޓް އެކްސްޕޯޓުގެ ގާނޫނު'ގެ ދަށުން ރައީސްއަށް ލިބޭ ޑިއުޓީ މައާފުކުރުުމުގެ އިހުތިޔާރުގެ ދަށުން، އަންނަ މަހުގެ އެއްވަނަ ދުވަހުން ފެށިގެން އެފަދަ ތަކެތީގެ އެލަވަންސް  10،000ރ. އަށް ބޮޑުވާނެ ކަމަށެވެ.

ތަފްސީލް - 'ދިވެހިރާއްޖޭގެ ކަސްޓަމްސް ގާނޫނު'ގެ ދަށުން އެކުލަވާލާފައިވާ، 'ދަތުރުވެރިން ގެންނަ ތަކެއްޗާއި އަމިއްލަ ފަރާތްތަކުގެ ކުދިކުދި ބޭނުންތަކަށް ގެންނަ ތަކެއްޗާއި ވިޔަފާރި ސާމްޕަލްގެ ގޮތުގައި ގެންނަ ތަކެތިން ޑިއުޓީ މައާފްކުރުމުގެ އުސޫލު' އަށް މި ބަދަލު ގެނެސް އާންމުކޮށްފައިވަނީ މިދިޔަ 15 މޭގަ އެވެ. 

މި އުސޫލުގައި ވާ ގޮތުން:

ނަމަވެސް އުސޫލުގައިވާ ގޮތުން އަމިއްލަ ފަރުދުންގެ ބޭނުމަށް ޑޮކްޓަރެއްގެ ބޭސް ސިޓީއަކާ އެކު ގެންނަ ހަ މަސްދުވަހުގެ ޑޮކްޓަރީ ބޭސް، އެތަކެތީގެ އަގަށް ރިއާޔަތް ކުރުމެއް ނެތި ޑިއުޓީ މައާފުކޮށް ދޫކުރާނެ އެވެ.