ވިނަރެސްގެ އެކްސެސް ޓެގު ދޫކުރަން ފަށައިފި

ވިނަރެސް ޓަވަރުތަކުގެ އެކްސެސް ޓެގު އެޗުޑީސީއިން ދޫކުރަން ފަށައިފި އެވެ.

ވީ ކިހިނެއް؟ - ވިނަރެސް ޓަވަރުތައް މިހާރު ހުންނަނީ އެކްސެސް ކޮންޓްރޯލް ނުކޮށެވެ. އެހެންވެ، އެޗުޑީސީއިން ބުނީ، އެ ތަނުގައި ނޫޅޭ މީހުން ވެސް އެތަނަށް ވަންނަ ކަމުގެ ޝަކުވާ އެ ކުންފުންޏަށް އަންނަނީ ލިބެމުންނެވެ.

ތަފްސީލު - އެޗުޑީސީއިން ބުނީ ޓެގުތައް ދޫކުރާނީ މިއަދާއި މާދަމާގެ ހެނދުނު 10 އިން ހަވީރު 6 އާ ދެމެދު، ވިނަރެސް 10ގެ މެނޭޖްމަންޓު އޮފީީހުންނެވެ. އެޗުޑިސީއިން ބުނި ގޮތުގައި:

މިއަދާއި މާދަމާ ދޫކުރާ ޓެގުތަކާ އެކު 23 ޖޫންއިން ފެށިގެން ވިނަރެސްގެ އެކްސެސް ކޮންޓްރޯލް ކުރަން ފަށާނެ އެވެ. އެއާ އެކު ދެން ވިނަރެސްއަށް ވަދެވޭނީ ޓެގު އޮންނަ މީހުންނަށް އެކަންޏެވެ. މިއީ އެ ތަނުގެ ސެކިއުރިޓީ ވަރުގަދަވާނެ ކަމެއް ކަމަށް އެޗުޑީސީއިން ފާހަގަކުރެ އެވެ.