އެފްއެސްއެމްއިން ހިންމަފުށީގައި ތެޔޮ ސްޓޭޝަނެއް ހުޅުވައިފި

ފިއުލް ސަޕްލައިސް މޯލްޑިވްސް (އެފްއެސްއެމް) އިން ބިގް ފިޝް މޯލްޑިވްސްއާ އެކު އެ ކުންފުނީގެ ކ. ހިންމަފުށީ ކޮމްޕްލެކްސްގެ ތެރޭގައި ފިއުލް ސްޓޭޝަނެއް ހުޅުވައިފި އެވެ.

ވީ ކިހިނެއް؟ - ކަނޑު އުޅަދުފަހަރުތަކަށް ހިދުމަތް ދިނުމުގެ ގޮތުންް މި ފިއުލް ސްޓޭޝަން ހުޅުވައި އެ ތަނުގައި ހިދުމަތް ދޭން ފަށާފައިވަނީ މިދިޔަ އާދިއްތައިގަ އެވެ.

ތަފްސީލް - މިތަން ހުޅުވުމުގެ ގޮތުން އެ ކޮމްޕްލެކްސްގައި ބޭއްވި ހަފްލާގައި، އެފްއެސްއެމް އަދި ބިގްފިޝްގެ އިސްވެރިންނާއި މުވައްޒަފުންގެ އިތުރުން ހިންމަފުށި ކައުންސިލްގެ މެމްބަރުންނާ އެކު ހަފްލާގެ ޝަރަފުވެރި މެހެމާނާއެއްގެ ގޮތުން، ހުރާ ދާއިރާގެ މަޖިލިސް މެމްބަރު ޑރ. އަނާރާ ނައީމް ވެސް ބައިވެރިވެވަޑައިގެންނެވިއެވެ.

ބުނީ ކީކޭ؟ - ހަފްލާގައި ވާހަކަ ދައްކަވަމުން، ކުންފުނީގެ މެނޭޖިން ޑިރެކްޓަރު އިސްމާއިލް ސުހައިލް ވިދާޅުވީ، ހުޅުވިގެން ދިޔަ ތެޔޮ ސްޓޭޝަނަކީ، ރައީސް މުހައްމަދު މުއިއްޒުގެ ސަރުކާރުގެ ވައުދުތަކުގެ ތެރެއިން، ރާއްޖޭގެ ކޮންމެ އަތޮޅަކުން ވެސް މާލެ އާއި އެއް އަގެއްގައި ތެޔޮ ލިބޭނޭ އިންތިޒާމެއް ހަމަޖެއްސުމުގެ ތެރެއިން ކުރި މަސައްކަތެއް ކަމަށެވެ.

މީގެ އިތުރުން، އޭނާ ފާހަގަކުރެއްވި ގޮތުގައި:

ކުންފުނީގެ މެނޭޖިން ޑިރެކްޓަރުގެ އިތުރުން މި ހަފްލާގައި މަޖިލިސް މެމްބަރު އަނާރާ ނައީމް ވެސް ވާހަކަ ދެއްކެވި އެވެ. އޭނާގެ ވާހަކައިގައި، މި ސްޓޭޝަނުން އެންމެ ބޮޑު ފައިދާއެއް ލިބިގެންދާނީ ރާއްޖޭގެ މަސްވެރިންނަށް ކަމަށާއި މަސްވެރިންނާ ގުޅިގެން އެ ފަރާތްތަކަށް ފަސޭހައިން ތެލުގެ ހިދުމަތް ފޯރުކޮށްދެވޭނޭ ގޮތްތަކާ މެދު އެ ފަރާތްތަކާ އެކު މަޝްވަރާކޮށް، ކަންކަން ރޭވުމަށް ވެސް އޭނާ އިލްތިމާސް ކުރެއްވި އެވެ.

މަސްވެރިކަމަކީ ރާއްޖޭގެ ލޭނާރު ކަމަށާއި އެ ސިނާއަތް ކުރިއެރުވައި ރާއްޖޭގެ އިގްތިސާދަށް އެންމެ މުހިންމު ސިނާއަތަށް މަސްވެރިކަން ވުމަށް އެދޭ ކަމަށް ވެސް އޭނާ ވަނީ ވިދާޅުވެފަ އެވެ. އަދި މި ސްޓޭޝަނަކީ އެ ރަށަށް ލިބިގެންދިޔަ ކުރިއެރުމެއް ކަމަށާއި ރަށުގެ ރައްޔިތުންނަށް ހުޅިވިގެންދިޔަ ވަޒިފާގެ ފުރުސަތުތަކެއްކަން ވެސް އޭނާ ފާހަގަކުރެއްވި އެވެ.

ފާހަގަކޮށްލެވޭ - ހިންމަފުށީގައި ހުޅުވިގެންދިޔަ ތެޔޮ ސްޓޭޝަނުން: