![](https://cdn.dhauru.com/s3/media/2024/06/11/36f7df09-50b5-4ffb-b6fd-7c30a87121ff.jpg?fit=crop-50-50&w=1400&h=800)
ރައީސް މުއިއްޒު އިންޑިއާ ދަތުރުފުޅުން ރާއްޖެ ވަޑައިގެން އެއާޕޯޓުން މަޖިލީހުގެ ރައީސް އަބްދުއްރަހީމްއާ ސަލާމް ކުރައްވަނީ (ފޮޓޯ/ރައީސް އޮފީސް)
ރައީސް އިންޑިއާ ދަތުރަށް ފަހު މާލެ ވަޑައިގެންފި
ރައީސް މުހައްމަދު މުއިއްޒު އިންޑިއާއަށް ކުރެއްވި ރަސްމީ ދަތުރު ނިންމަވާލެއްވުމަށް ފަހު މިއަދު ހެނދުނު މާލެ ވަޑައިގެންފި އެވެ.
ތަފްސީލް - އިންޑިއާގެ ބޮޑުވަޒީރު ނަރެންދުރަ މޯދީ އާއި ވަޒީރުން ތިން ވަނަ ދައުރަކަށް ހުވާކުރެއްވުގެ ރަސްމިއްޔާތުގައި ބައިވެރިވެވަޑައިގެންނެވުމަށް އެ ގައުމުން ދިން ދައުވަތަކަށް ކުރެއްވި ދަތުރު ނިއްމާލައްވައި ރައީސް މާލެ ވަޑައިގެންނެވީ މިއަދު ހެނދުނު އެވެ. ރައީސްގެ މި ދަތުރުފުޅުގައި ވަނީ:
-
ހުވާކުރުމުގެ ރަސްމިއްޔާތުގައި ބައިވެރިވެވަޑައިގެންނެވި އިއްޒަތްތެރިންގެ ޝަރަފުގައި އިންޑިއާގެ ރައީސް ދުރޫޕަދީ މުރުމޫ ދެއްވި ރަސްމީ ޖާފަތުގައި ރައީސް ބައިވެރިވެވަޑައިގެންނެވި
-
ރައީސް އިންޑިއާގެ ރައީސް ދުރޫޕަދީ މުރުމޫއާ ދެބޭފުޅުން ބައްދަލުކުރައްވައި ދެގައުމުގެ މެދުގައި އޮންނަ ގުޅުން އިތުރަށް ބަދަހިކުރެއްވުމުގެ މަޝްވަރާތައް ކުރެއްވި
-
އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމާނިއަމް ޖަޔަޝަންކަރު ރައީސްގެ އަރިހަށް އިހުތިރާމުގެ ޒިޔާރަތެއް ކުރެއްވި
ފާހަގަކޮށްލެވޭ - ރައީސް އިންޑިއާއަށް ކުރެއްވި ދެ ދުވަހުގެ ދަތުރުފުޅުގައި އެ މަނިކުފާނުގެ އަރިހުގައި ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގެންނެވި އެވެ. އަދި މި ދަތުރުފުޅަކީ އެމަނިކުފާނު އިންޑިއާއަށް ކުރެއްވި ފުރަތަމަ ދަތުރުފުޅެވެ.
ކޮމެންޓް (1)
ސިކުނޑި