ކަސްޓަމްސްއިން ފަތުރުވެރިއެއްގެ ލަގެޖުން މީގެ ކުރިން އަތުލައިގަތް ކޮކެއިން. (ފޮޓޯ/ކަސްޓަމްސް)
6 މަސް ތެރޭގައި ކަސްޓަމްސްއިން އެންމެ ގިނައިން އަތުލައިގަތީ ކޮކެއިން
މިދިޔަ ހަ މަސް ދުވަހުގެ ތެރޭގައި 51 ކިލޯގެ ޑުރަގްސް އަތުލައިގެންފައިވާ ކަމަށް މޯލްޑިވްސް ކަސްޓަމްސް ސާވިސްއިން ބުނެފި އެވެ.
ވީ ކިހިނެއް؟ - ކަސްޓަމްސްއިން ވަނީ މިދިޔަ ނޮވެމްބަރު 17އިން މެއި 17ގެ ނިޔަލަށް އަތުލައިގަތް ޑުރަގްސްގެ ތަފާސްހިސާބުތައް އާންމުކޮށްފަ އެވެ.
ތަފްސީލު - އެ މުއްދަތުގައި ކަސްޓަމްސްއިން އެންމެ ގިނައިން އަތުލައިގަތް މަސްތުވާތަކެތީގެ ބާވަތަކީ ކޮކެއިން އެވެ. މި ބާވަތުގެ 18.8 ކިލޯ މިވީ ހަ މަސް ދުވަހުގެ ތެރޭގައި އަތުލައިގެންފައިވެ އެވެ.
އޭގެ އިތުރަށް އަތުލައިގަތް ޑުރަގްސްގެ ބާވަތްތަކަކީ:
-
ސިންތެޓިކް ކެތިނޯން - 13.5 ކިލޯ
-
ހެރޮއިން - 7.4 ކިލޯ
-
މެތެމްފެޓަމިން - 4.7 ކިލޯ
-
މެފެޑްރޯން - 3.8 ކިލޯ
-
އެމްޑީއެމްއޭ - 1.1 ކިލޯ
-
ހޭޝް އޮއިލް - 910 ގުރާމް
-
އެމްފެޓަމިން - 451 ގުރާމް
-
ކެނަބިސް - 101 ގުރާމް
-
ސިންތެޓިކް ކެނަބިނޮއިޑްސް - 25 ގުރާމް
މިވީ ހަ މަސް ދުވަހުގެ ތެރޭގައި ކަސްޓަމްސްއިން އަތުލައިގަތް މަސްތުވާތަކެތީގެ މަގުމަތީ އަގު 100 މިލިއަން ރުފިޔާއަށް އަރަ އެވެ.
ކޮމެންޓް (1)
ހިތަދު 2