ާަަަަަާަަަައާ މަޖިލިސް ހުވާކުރަން ބާއްވާ ރަސްމިއްޔާތު މާދަމާ ހެނދުނު 9 ޖަހާއިރު

ވިހި ވަނަ ރައްޔިތުންގެ މަޖިލީހަށް އިންތިހާބުވި މެންބަރުން ހުވާކުރަން ބާއްވާ ރަސްމިއްޔާތު މާދަމާ ހެނދުނު 9 ޖަހާއިރު ބާއްވަން މަޖިލީހުގެ އިދާރާއިން ތާވަލްކޮށްފި އެވެ. 

ވީ ކިހިނެއް؟ - ރައްޔިތުންގެ މަޖިލީހުގެ އިދާރާއިން މިއަދު ބުނީ އާ މަޖިލީހުގެ މެންބަރުން ހުވާކުރާރަސްމިއްޔާތު ބާއްވާނީ މާދަމާ ހެނދުނު 9 ޖަހާއިރު މަޖިލީހުގެ އިދާރާގައި ކަމަށެވެ. 

ތަފްސީލް - އެ ރަސްމިއްޔާތަަށް ފަހު މަޖިލީހުގެ މި ދައުރުގެ ރައީސާއި ނައިބު ރައީސުން އިންތިހާބުކުރަން ބާއްވާ ޖަލްސާ ބާއްވާނެ ކަމަށް ވެސް މަޖިލީހުގެ އިދާރާއިން ބުންޏެވެ. އެ ޖަލްސާ ފެށޭނީ ހެނދުނު 10:15ގަ އެވެ.

މަޖިލީހުގެ އިދާރާއިން އިތުރަށް ބުނީ: 

މި މަޖިލީހަށް އަމިއްލަ ގޮތުން ވާދަކޮށް އިންތިހާބުވެފައިވާ ނުވަ މެންބަރުން ވަނީ ޕީއެންސީއަށް ސޮއިކުރައްވައިފަ އެވެ. އެއާ އެކު އާ މަޖިލީހުގައި ޕީއެންސީގެ 75 މެންބަރުން ތިއްބަވާނެ އެވެ.

އެނގުން މުހިންމު - މިދިޔަ ބުދަދުވަހު މުލިއާގޭގައި ބޭއްވި ޕީއެންސީގެ ޕާލިމެންޓްރީ ގްރޫޕުގެ ބައްދަލުވުމުގައި އާ މަޖިލީހުގެ ރައީސްގެ މަގާމަށް ރައީސް މުހައްމަދު މުއިއްޒު ވަނީ އަބްދުއްރަހީމްގެ ނަން ހުށަހަޅުއްވައިފަ އެވެ. އަދި ނައިބު ރައީސް ކަމަށް ދިއްގަރު ދާއިރާގެ އިންތިހާބީ މެންބަރު އަހުމަދު ނާޒިމްގެ ނަން ހުށަހަޅަން ވަނީ ނިންމައިފަ އެވެ.