13 އަހަރު ކުއްޖާގެ ރޭޕް މައްސަލަ: ތުހުމަތުވާ މީހާ 30 ދުވަހަށް ބަންދުކޮށްފި

އުތުރުގެ ރަށެއްގައި އުމުރުން 13 އަހަރުގެ ކުއްޖަކަށް މަސްތުވާތަކެތި ދީ ރޭޕްކުރި މައްސަލައިގައި ހައްޔަރުކުރި މީހާ 30 ދުވަހަށް ބަންދުގައި ބެހެއްޓުމަށް ކޯޓުން މިއަދު އަމުރުނެރެފި އެވެ.

ވީ ކިހިނެއް؟ - ތުހުމަތުގައި އޭނާ ހޯދަން ފެށުމުން ފިލައިގެން އުޅެނިކޮށް ހައްޔަރުކުރި އެ މީހާއާ ގުޅޭ ގޮތުން ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން އޭނާ 30 ދުވަހަށް ބަންދު ކުރުމަށް ކޯޓުން މިއަދު އަމުރުކޮށްފައިވާ ކަމަށެވެ. 

ތަފްސީލް - މީގެ އިތުރަށް އޭނާ ފިލައިގެން އުޅެން އެހީތެރިވި ކަމުގެ ތުހުމަތުގައި ހައްޔަރުކުރި 29 އަހަރުގެ މީހާ 11 ދުވަހަށް ބަންދު ކުރުމަށް ކޯޓުން އަމުރުނެރެފައިވާ ކަމަށް ވެސް ފުލުހުން ބުންޏެވެ.