ކްރައިމް ސީނެއްގައި ފުލުހެއް ހަރަކާތްތެރިވަނީ: (ދައުރު ފޮޓޯ/އަބްދުﷲ ޔަޝާއު)
13 އަހަރުގެ އަންހެންކުއްޖަކަށް މަސްތުވާތަކެތި ދީ ރޭޕްކުރި މައްސަލައެއް
ރާއްޖޭގެ އުތުރުގެ ރަށެއްގައި އަންހެން ކުއްޖަކަށް މަސްތުވާތަކެތި ދިނުމަށް ފަހު ރޭޕްކުރި މައްސަލައެއް ފެންމަތިވެ، އެ މައްސަލަ ތަހުގީގުކުރަން ފަށައިފި އެވެ.
ވީ ކިހިނެއް؟ - އެ މައްސަލަ ފުލުހުންނަށް ރިޕޯޓުކުރީ މިދިޔަ އާދީއްތަ ދުވަހު އެވެ.
ތަފްސީލު - ފުލުހުން ބުނީ ނ.، ރ.، ބ. އަދި ޅ. އަތޮޅު ހިމެނޭ ސަރަހައްދުގެ ރަށެއްގައި، 13 އަހަރުގެ އަންހެން ކުއްޖަކު ރޭޕްކުރި މައްސަލައެއް މެއި 19ގައި ފުލުހުންނަށް ރިޕޯޓުކޮށްފައިވާ ކަމަށެވެ.
"މި މައްސަލައާ ގުޅިގެން އަދި މީހަކު ހައްޔަރުކޮށްފައެއް ނުވޭ،" ފުލުހުންގެ މީޑިއާ ގްރޫޕަށް ފޮނުވި މެސެޖެއްގައިވެ އެވެ.
ފުލުހުން އަންނަނީ މި މައްސަލައިގެ ތަހުގީގު ކުރަމުންނެވެ.
އެނގުން މުހިންމު - ސޯޝަލް މީޑިއާގައި ވެސް މި މައްސަލައާ ގުޅޭގޮތުން ހަބަރުތަކެއް ވަނީ ފެތުރިފަ އެވެ.
އެގޮތުން:
-
ކުޑަކުއްޖަކަށް ޖިންސީ ގޯނާ ކުރީ އުމުރުން 31 އަހަރުގެ މީހެއް
-
މިދިޔަ ހޯމަ ދުވަހުން ފެށިގެން ފުލުހުން އަންނަނީ އެ މީހާ ހޯދުމުގެ މަސައްކަތް ކުރަމުން
-
އެ މީހާ ހައްޔަރުކުރުމަށް ފުލުހުން ކޯޓު އަމުރަކަށް އެދުނުކަން އެނގުމާ އެކު އެ މީހާ ވަނީ އެ ރަށުން ފިލާފައި
ކުޑަކުދިންނާ ގުޅުންހުރި މައްސަލަތަކުގައި އެ ކުއްޖާގެ ވަނަވަރު ރައްކާތެރިކުރުމުގެ ގޮތުން މިފަދަ ހާދިސާތައް ހިނގާ ރަށާއި އަތޮޅު ފުލުހުން ހާމައެއް ނުކުރެ އެވެ.