ރާއްޖޭގައި ތިބި އިންޑިއާގެ 76 ސިފައިން ބާލައި ހަމަ އެ އަދަށް ސިވިލިއަނުން އަތުވެއްޖެ

އިންޑިއާއިން ރާއްޖޭގައި އޮޕަރޭޓް ކުރަމުން އަންނަ ހެލިކޮޕްޓަރުތަކާއި ޑޯނިއާ ބޯޓް ދުއްވަން ރާއްޖޭގައި ހަރަކާތްތެރިވި 76 ސިފައިން ފޮނުވާލައި، ހަމަ އެއަދަދަށް އިންޑިއާގެ ސިވިލް މުވައްޒަފުން ރާއްޖެ އައިސް ގާއިމު ވެއްޖެ އެވެ.

ވީ ކިހިނެއް؟- ރާއްޖޭގައި ތިބި އިންޑިއާ ސިފައިންގެ ފަހު ބެޗު މިދިޔަ ބުރާސްފަތި ދުވަހު ރާއްޖެއިން ފައިބާފައިވާ އިރު އެކަމާ ގުޅޭ ގޮތުން މައުލޫމާތު ދޭން މިއަދު ރައީސް އޮފީހުގައި ވަނީ ނޫސްވެރިންގެ ބައްދަލުވުމެެއް ބާއްވައިފަ އެވެ. 

އެ ބައްދަލުވުމުގައި ވާހަކަ ދައްކަވަމުން ފޮރިން މިނިސްޓަރު މޫސާ ޒަމީރު ވިދާޅުވީ އިންޑިއާ ސިފައިންގެ ބަދަލުގައި އައި މަދަނީންނަކީ އެ ހެލިކޮޕްޓަރުތައް އުފެއްދި ކުންފުނީގެ މުވައްޒަފުން ކަމަށެވެ.

"އެ މަދަނީންނަކީ ހެލިކޮޕްޓަރު އުފެއްދި ހިންދުސްތާނު އެއިރޮނޮޓިކްސް ލިމިޓެޑް ކުންފުނީގެ މުވައްޒަފުން،" ޒަމީރު ވިދާޅުވި އެވެ.

"މި އަދަދަކީ މި އޮޕަރޭޝަންއަށް ބޭނުންވާ އަދަދު."

އެމީހުން ރާއްޖޭގައި ތިބޭނެ ތަންތަނާއި މުއްދަތު ވެސް ޒަމީރު ހާމަކުރެއްވި އެވެ. އެމީހުން ތިބޭނީ:

ޒަމީރު ވިދާޅުވީ އިންޑިއާއިން ރާއްޖެ އައިސް ތިބީ އެ ގައުމުގެ މަދަނީން ކަމަށް އިންޑިއާ ސަރުކާރުން ބުނުމުން އެކަމާ މެދު ސުވާލު އުފައްދަން ނުޖެހޭ ކަމަށެވެ.

"އިންޑިއާ ސިފައިން ވެސް އައިސް ތިބީ އޮޅުވާލައިގެނެއް ނޫން ދެއްތޯ؟ އެހެންވީމާ، އިންޑިއާގެ މަދަނީ މީހުންނޭ އިންޑިއާ ސަރުކާރުން ބުނީމާ އަޅުގަނޑުމެން ގަބޫލުކުރަން ނުޖެހޭ ސަބަބެއް ނެތް ދެއްތޯ؟" ޒަމީރު ސުވާލު އުފެއްދެވި އެވެ.

އެ ބައްދަލުވުމުގައި ވާހަކަ ދައްކަވަމުން ޑިފެންސް މިނިސްޓަރު ގައްސާން މައުމޫން ވިދާޅުވީ މިހާރު އެ އުޅަނދުތަކުގެ ކޮމާންޑް އެންޑް ކޮންޓްރޯލް ޑިފެންސް މިނިސްޓްރީއަށާއި އެމްއެންޑީއެފަށް ފުރިހަމައަށް ލިބިފައިވާ ކަމަށެވެ.

ދިވެހި ސިފައިންގެ ތެރޭގައި އެ އުޅަނދުތައް ދުއްވޭވަރުގެ ގާބިލްކަން ހުރި މިންވަރާ ބެހޭ ގޮތުން ނޫސްވެރިއަކު ކުރި ސުވާލަށް ޖަވާބުދެއްވަމުން ގައްސާން ވިދާޅުވީ ދިވެހި ސިފައިން އެކަމަށް ބޭނުންވާ ޓްރެއިނިން ފެށި ނަމަވެސް އެކިއެކި ސަބަބުތަކާ ހުރެ މިހާތަނަށް  އެއްވެސް މީހަކަށް އެ ތަމްރީންތައް ނިންމިފައި ނުވާ ކަމަށެވެ.

އިންޑިއާ ސިފައިން ރާއްޖެއިން ފޭބީ ހަތަރު ބެޗަކަށް ބަހާލައިގެންނެވެ.