ޖާބިރުގެ އިސްތިއުފާ ސިޓީ މަޖިލީހުގެ އިދާރާއަށް ނުލިބޭ ކަމަށް ބުނެފި

ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރުގެ އިސްތިއުފާ ސިޓީ ނުލިބޭ ކަމަށް އެ އިދާރާއިން ބުނެފި އެވެ.

ވީ ކިހިނެއް؟ - ޖާބިރު މަޖިލީހުން އިސްތިއުފާ ދެއްވާފައިވާނެ ކަމަށް އޭނާ މިދިޔަ ހުކުރު ދުވަހު މީޑިޔާތަކުގައި ވަނީ ވިދާޅުވެފަ އެވެ. 

ތަފްސީލް - އެކަމާ ބެހޭގޮތުން މަޖިލީހުގެ ކޮމިއުނިކޭޝަން ޑިރެކްޓަރު ހަސަން ޒިޔާއު މިއަދު ވިދާޅުވީ ޖާބިރުގެ އިސްތިއުފާގެ ސިޓީ މަޖިލީހަށް ލިބިފައިނުވާ ކަމަށެވެ.

ޖާބިރު ވަނީ ވިހި ވަނަ ރައްޔިތުންގެ މަޖިލީހުގެ އިންތިހާބުގައި ވެސް ވާދަކުރައްވާފަ އެވެ. ނަމަވެސް ޖާބިރުއަށް އެ ގޮނޑި ކާމިޔާބެއް ނުކުރެއްވުނެވެ. ޖާބިރުއާ ވާދަކުރައްވާ އެ ގޮނޑި ކާމިޔާބު ކުރެއްވީ ޕީއެންސީގެ ކެންޑިޑޭޓް މުންތަޒިމް އިބްރާހިމް، 1،321 ވޯޓުންނެވެ. 

ޖާބިރުއަށް ލިބިވަޑައިގެންނެވީ 369 ވޯޓެވެ.