ޑިމޮކްރެޓްސްގެ 2 ކެންޑިޑޭޓަކު ސަރުކާރު ކެންޑިޑޭޓުންނަށް ތާއީދުކޮށްފި

ކުރިއަށް އޮތް މަޖިލިސް އިންތިހާބަށް ޑިމޮކްރެޓްސްގެ ޓިކެޓުގައި ކުރިމަތިލައްވާފައިވާ ދެ ކެންޑިޑޭޓުން އެ ބޭފުޅުން ކުރިމަތިލެއްވި ދާއިރާތަކަށް ވާދަކުރާ ސަރުކާރުގެ ކެންޑިޑޭޓުންނަށް ތާއީދު ކުރަން ނިންމައިފި އެވެ.

ވީ ކިހިނެއް؟ - މަޖިލިސް އިންތިހާބަށް ހަފްތާއަކަށް ވެފައި ވަނިކޮށް:

ބުނީ ކީކޭ؟ - މިރޭގެ ޖަލްސާގައި ލީލާ ޕީއެންސީ ކެންޑިޑޭޓުގެ ފަހަތަށް އަރާވަޑައިގަތުމުން އެކަމަށް ހޯމްލޭންޑް މިނިސްޓަރު އަލީ އިހުސާން ވަނީ މަރުހަބާ ވިދާޅުވެފަ އެވެ. އޭނާ ވިދާޅުވީ ޑިމޮކްރެޓްސްގެ ކެންޑިޑޭޓު ނިންމެވި ނިންމެވުމަކީ ގައުމަށާއި ދާއިރާއަށް އެންމެ ރަނގަޅު ގޮތް ކަމަށް ދެކިގެން ވަރަށް ކެރުންތެރިކަމާ އެކު ނިންމި ނިންމުމެއް ކަމަށެވެ.

މިނިސްޓަރު ފާހަގަކުރެއްވި ގޮތުގައި:

ފާހަގަކޮށްލެވޭ - ޑިމޮކްރެޓްސް އިން ރިޔާސީ އިންތިހާބުގައި ރައީސް މުއިއްޒުއަށް ތާއީދު ކުރެއްވި ނަމަވެސް ވެރިކަން ބަދަލުވި ފަހުން އެ ޕާޓީގެ ބައެއް އިސް ބޭފުޅުން ވަނީ ސަރުކާރަށް ފާޑުކިޔާފަ އެވެ. އަދި އެ ޕާޓީން ވަނީ އިިދިކޮޅު އެމްޑީޕީއާ ގުޅިގެން ސިޔާސީ ބައެއް މަސައްކަތް ވެސް ކޮށްފަ އެވެ.

ނަމަވެސް، މިފަހުން ޑިމޮކްރެޓްސްގެ ބާނީ އަދި ކުރީގެ ރައީސް މުހައްމަދު ނަޝީދު އެމްޑީޕީއަށް ވަރަށް ބޮޑަށް ފާޑުވިދާޅުވެ ރައީސް މުއިއްޒުއަށް ތައުރީފު ކުރައްވާފައިވެ އެވެ.