މާލޭގެ މުހިއްމު އާސާރީ ބިނާތަކެއް ބެލެހެއްޓުން ސްޓެލްކޯއަށް

މާލޭގެ މުހިއްމު އާސާރުތަކެއްގެ އާބާތުރަފިލުވައި، މަރާމާތުކޮށް، އެތަންތަން ޒީނަތްތެރިކުރުމުގެ މަސައްކަތް ސްޓޭޓް އިލްކްޓްރިކް ކޮމްޕެނީ ލިމިޓެޑް (ސްޓެލްކޯ) އާ ސަރުކާރުން ހަވާލުކޮށްފި އެވެ.

ވީ ކިހިނެއް؟ - އެކަން އެ ކުންފުންޏާ ހަވާލުކޮށްފައިވަނީ މިއަދު ސްޓެލްކޯގައި ބޭއްވި ރަސްމިއްޔާތެއްގައި، ފަސް އަހަރުދުވަހުގެ މުއްދަތަށް ހެރިޓޭޖް މިނިސްޓްރީއާ ގުޅިގެން މަސައްކަތް ކުރުމަށް ސޮއިކުރެވުނު ފަހުމުނާމާއެއްގެ ދަށުންނެވެ. މި ފަހުމުނާމާގައި ސޮއި ކުރެއްވީ:

ތަފްސީލް - ސޮއިކުރެވުނު ފަހުމުނާމާގެ ދަށުން ސްޓެލްކޯއިން އާބާތުރަފިލުވުމާއި ޒީނަތްތެރި ކުރުމުގެ މަސައްކަތް ކުރުމުގެ އިތުރުން، ކަރަންޓުގެ އެކި މަސައްކަތްތައް ވެސް ކުރަން ހަވާލުކުރެވިފައިވާ އާސާރީ ބިނާތަކަކީ:

ބުނީ ކީކޭ؟ - ފަހުމުނާމާގައި ސޮއިކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން ސްޓެލްކޯގެ އެމްޑީ ހުސައިން ފަހުމީ ވިދާޅުވީ، މި އާސާރުތައް ރައްކާތެރިކުރުމުގެ މަސައްކަތް މޫސުމާއި ގުޅިގެން ލަސްވެގެން ދިޔަ ނަމަވެސް ދެން މި މަސައްކަތަށް އިތުރު ލަސްކަމެއް ނާންނާނެ ކަމަށެވެ.

"މީ ވަރަށް ބޮޑަށް ޓެކްނިކަލީ ކަންތައްތައް ބެލިގެން ކުރަންޖެހޭ މަސައްކަތަކަށް ވާތީ އަޅުގަނޑުމެން މިނިސްޓްރީއާ ގުޅިގެން ވަރަށް ބޮޑަށް މި ދިޔައީ ބަލަމުން. ވިއްސާރަ މޫސުމަކަށްފަހު ކޮންމެސް ވަގުތުކޮޅެއް ދޭންޖެހޭ ހުކުރު މިސްކިތު މުންނާރު ހިކުމާ އަދި އެހެނިހެން ޓެކްނިކަލް ކަންތައްތަކަށްވެސް. އެހެންވީމަ އަސްލު ލަސްވެގެން ދިޔައީ،" އޭނާ ވިދާޅުވި އެވެ.

ފާހަގަކޮށްލެވޭ - ސްޓެލްކޯއިން މީގެ ކުރިންވެސް ވަނީ މިފަދަ ފަހުމުނާމާއެއްގެ ދަށުން މާލޭ ހުކުރު މިސްކިތުގެ ގޯތިތެރޭގައި ހުރި ހިރިގާ ވަޅުތަކާއި މުންނާރާއި މާލޭ މެދުޒިޔާރަތް ރައްކާތެރިކޮށް، އާބާތުރަފިލުވައި، ޒީނަތްތެރިކުރުމުގެ މަސައްކަތްތަކެއް ކުރިއަށްގެންގޮސްފަ އެވެ.

މިނިސްޓަރު އާދަމް ނަސީރު އިބްރާހިމް ވަނީ ރާއްޖޭގެ ތަރިކަ ހިމާޔަތްކުރުމުގެ ދާއިރާއިން ސްޓެލްކޯއިން ކުރަމުން ގެންދާ މަސައްކަތްތައް ފާހަގަކުރައްވާފަ އެވެ.