ވިނަރެސް ސަރަހައްދުގައި އާރުޓީއެލް ބަސް ހިދުމަތް މާދަމާ ފަށަނީ

ހުޅުމާލެ ވިނަރެސް ފްލެޓު ސަރަހައްދަށް ބަސް ސްޓޮޕެއް އިތުރުކުރަން އެމްޓީސީސީއިން ނިންމައިފި އެވެ.

ވީ ކިހިނެއް؟ - އެމްޓީސީސީއިން ބުނީ މިއީ ވިނަރެސްގައި ދިރިއުޅޭ މީހުންނަށް އާރުޓީއެލް ބަހުގެ ހިދުމަތް ފަސޭހައިން ލިބޭނެ ގޮތެއް ހަމަޖައްސައިދިނުމަށް، އާންމުންގެ އެދުމުގެ މަތިން ކުރާ ކަމެއް ކަމަށެވެ. ވިނަރެސް ބަސް ސްޓޮޕްގެ ހިދުމަތް ފަށާނީ މާދަމާ އެވެ.

ތަފްސީލު - އެމްޓީސީސީއިން ބުނީ ދެ ވަނަ ފިޔަވައްސަށް ދަތުރުކުރާ އާރު6 (ހުޅުމާލެ ފޭސް 1 - ހުޅުމާލެ ފޭސް 2) ރޫޓާއި އާރު7 (ހުޅުމާލެ ފޭސް 2 - ވެސްޓު ޕާކު)، އާރު8 (ހުޅުމާލެ ފޭސް 2 - ކާނިވަލް) އަދި އާރު9 (ހުޅުމާލެ ފޭސް 2 - އެއާޕޯޓް)ގެ ރޫޓުތަކުން ވިނަރެސް ބަސް ސްޓޮޕަށް ހިދުމަތް ދެވޭ ގޮތަށް ރޫޓަށް ބަދަލުގެނެސްފައިވާ ކަމަށެވެ.

މި ބަދަލާއި ހިދުމަތުގެ ފެންވަރު ރަނގަޅު ކުރުމުގެ ގޮތުން އާރު7، އާރު8 އަދި އާރު9 ރޫޓުތަކަށް ވެސް ބަދަލުތަކެއް އަންނާނެ ކަމަށް އެމްޓީސީސީއިން ބުނެ އެވެ.