ތެޔޮ ސްޓޯރޭޖް ބަދަލުކުރަނީ ތިލަފުށި ކައިރި އޮންނަ މާގިރި ފަޅަށް: މުއްތަލިބު

ކ. ފުނަދޫގައި ގާއިމްކޮށްފައިވާ ތެރޮ ސްޓޯރޭޖް ބަދަލު ކުރަން ނިންމާފައިވަނީ ތިލަފުށި ކައިރީގައިވާ މާގިރި ފަޅަށް ކަމަށާއި ކަނޑުއޮށްގިރި ކައިރި އޮތް މާގިރި ފަޅަކަށް ނޫން ކަމަށް ކޮންސްޓްރަކްޝަން މިނިިސްޓަރު ޑރ. އަބްދުﷲ މުއްތަލިބު ވިދާޅުވެއްޖެ އެވެ.

ވީ ކިހިނެއް؟ - މާގިރި ފަޅަށް ތެޔޮ ސްޓޯރޭޖް ބަދަލުކުރަން ނިންމާފައިވާކަން އިއުލާނު ކުރީ، އިއްޔެ ބޭއްވި ކެބިނެޓު ބައްދަލުވުމަށް ފަހު ރައިީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި، އެ އޮފީހުގެ މިނިސްޓަރު އަބްދުﷲ ނާޒިމް އެވެ. އޭނާ ވިދާޅުވި ގޮތުގައި، އެ މަސައްކަތް އެސްޓީއޯއިން ކުރާ ގޮތަށް ވަޒީރުންގެ މަަޖިލީހުން ވަނީ ނިންމާފަ އެވެ.

މާލެ އަތޮޅުގައި 'މާގިރި ފަޅު'ގެ ނަން ދެވިފައިވާ ދެ ސަރަހައްދެއް އޮންނާތީ، އެ ނިންމުމާ ގުޅިގެން އާންމުންގެ މެދުގައި އޮޅުންތަކެއް އެރި އެވެ.

ފާހަގަކޮށްލެވޭ - ތެޔޮ ސްޓޯރޭޖް ގާއިމްކުރަނީ ތިލަފުށި ކައިރީގައި އޮތް މާގިރި ފަޅުގައި ކަމަށް މިނިސްޓަރު މުއްތަލިބު ވިދާޅުވީ، ސަރުކާރުގެ ނިންމުމާ އެކު ތިމާވެށި ހިމާޔަތްކުރަން ވަކާލާތުކުރާ ޖަމިއްޔާއެއް ކަމަށްވާ އިކޯކެއާ މޯލްޑިވްސް އިން ކަންބޮޑުވުން ފާޅުކޮށް، 'އެކްސް'ގައި ކުރި ޕޯސްޓަކަށް ރައްދު ދެއްވަމުންނެވެ.

ފާހަގަކޮށްލެވޭ - އިކޯކެއާގެ އިތުރުން ތިމާވެށީގެ ދާއިރާގައި މަސައްކަތްކުރާ ފަރާތްތަކާއި ޑައިވަރުންނާއި އާންމުންގެ ގިނަ ބަޔަކު ކަންބޮޑުވުން ފާޅު ކުރީ ތެޔޮ ސްޓޯރޭޖް ބަދަލުކުރަނީ ކ. ކަނޑުއޮށްގިރި ކައިރީގައި އޮތް މާގިރިފަޅަށް ކަމަށް ގަބޫލު ކުރެވިގެންނެވެ. އެގޮތުން، އެ ފަރާތްތަކުން ފާހަގަކުރީ:

ނަމަވެސް، ފިއުލް ސްޓޯރޭޖް ގާއިމްކުރަނީ ތިލަފުށި ކައިރީގައިކަން މިނިސްޓަރު ސާފުކޮށްދެއްވުމާ އެކު އިކޯކެއާ އިން މިނިސްޓަރަށް ޝުކުރު އަދާކޮށް، މިހާރު ގޮވާލާފައިވަނީ މާގިރި ފަޅު ހިއްކުމުގެ ބަދަލުގައި ސީދާ ތިލަފުށީގައި ފިއުލް ސްޓޯރޭޖް ގާއިމްކުރުމަށެވެ.

ގުޅުން ހުރި - ފުނަދޫގައި ތެޔޮ ރައްކާކުރުން ހުއްޓާލައި އެ ރަށް އިގްތިސާދީ ހަބަކަށް ބަދަލު ކުރަން ނިންމާފައިވާކަން، ވެލާނާ އިންޓަނޭޝަނަލް އެއާޕޯޓް ތަރައްގީ ކުރުމުގެ ދެ ވަނަ ފިޔަވަހި އިފްތިތާހު ކުރުމަށް މި މަހުގެ 4 ވަނަ ދުވަހުގެ ރޭ ދަރުބާރުގޭގައި ބޭއްވި ރަސްމިއްޔާތުގައި ރައީސް މުހައްމަދު މުއިއްޒު ވަނީ އިއުލާންކުރައްވާފަ އެވެ. ފުނަދުއަށް ގެންނަން ނިންމާފައިވާ އިގްތިސާދީ ބޮޑު ބަދަލު އެ ރޭ ދައްކާލާފައިވެ އެވެ.

ރައީސް މުއިއްޒު އެ ރޭ ވިދާޅުވެފައިވާ ގޮތުން:

ފަސްމަންޒަރު - ފުނަދޫ އަކީ އެސްޓީއޯ އިން ރާއްޖެއަށް އެތެރެކުރާ ތެޔޮ ރައްކާކުރަން ބޭނުންކުރާ މައި ރަށެވެ. ނަމަވެސް، މާލެ އާއި އެއާޕޯޓާ އެހާ ކައިރި ތަނެއްގައި ތެޔޮ ފަދަ ނުރައްކާތެރި އެއްޗެއް ރައްކާކުރާތީ ކުރިމަތިވެދާނެ ހާދިސާއެއްގެ އިންޒާރު އެކި ފަރާތްތަކުން ދެ އެވެ.

ފުނަދޫގައި ތެޔޮ ރައްކާކުރުން ހުއްޓާލަން އެކި ސަރުކާރުތަކުން މަސައްކަތް ކުރިޔަސް، މިހާތަނަށް އައި އިރު ވެސް އެކަން އޮތީ ނުވެ އެވެ.

ފުނަދޫގައި ތެޔޮ ރައްކާކުރުން ހުއްޓާލައި އެ ރަށް ކޮންވެންޝަން ޓޫރިޒަމަށް ހާއްސަކުރުމަކީ، މިދިޔަ ރިޔާސީ އިންތިހާބުގެ ތެރޭގައި އޭރުގެ ރައީސް އިބްރާހިމް މުހައްމަދު ސޯލިހު ވެސް ވެވަޑައިގެންނެވި ވައުދެކެވެ.