ހައިޑްރޯގްރަފީ އެއްބަސްވުން އުވާލަން އިންޑިއާއަށް ނޯޓިސް ދީފި

ރާއްޖޭގެ ކަނޑު އަޑި ދިރާސާކޮށް ޗާޓް ކުރެހުމަށް އިންޑިއާއާ އެކު ހަދާފައިވާ ހައިޑްރޯގްރަފީ އެއްބަސްވުން އެއްބަސްވުން އުވާލަން ސަރުކާރުން އިންޑިއާއަށް ނޯޓިސް ދީފައިވާ ކަމަށް ރައީސް އޮފީހުން ބުނެފި އެވެ.

ވީ ކިހިނެއް؟ - ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަންޑާސެކްރެޓަރީ މުހައްމަދު ފިރުޒުލް އަބްދުލް ހަލީލް ވިދާޅުވީ އެއްބަސްވުމުގައި ވާގޮތުން، އެއްބަސްވުން އުވާލަން ބޭނުންވެއްޖެ ނަމަ 6 މަހުގެ ނޯޓިސްއެއް ދޭން ޖެހޭ ކަމަށެވެ.

އެ ނޯޓިސް މިހާރު ދީފައިވާ ކަމަށާއި 4 ޖޫން 2024ގައި އެއްބަސްވުން އުވިގެން ދާނެ ކަމަށް އޭނާ ވިދާޅުވި އެވެ.

ތަފްސީލް - ރާއްޖޭގެ ކަނޑުތަކުގެ ސިފަތަކާއި ކަނޑުގެ ދިރުންތައް ދެނެގަންނަން ރާއްޖެ އާއި އިންޑިއާއާ ދެމެދު ހައިޑްރޯގްރަފީ އެއްބަސްވުމެއް ގާއިމްކުރީ 8 ޖޫން 2019ގަ އެވެ. 

އެ އެއްބަސްވުމުގައި އެމްއެންޑީއެފްގެ ތެރޭގައި ހައިޑްރޯގްރަފީއަށް ހާއްސަ އޮފީހަކާއި ވަސީލަތްތައް ވެސް ގާއިމްކޮށްފައިވެ އެވެ.

ނިމިދިޔަ ސަރުކާރުން އެހެން ގައުމުތަކާ އެކު ވެފައިވާ އެއްބަސްވުންތަކުގައި ރާއްޖޭގެ މިނިވަންކަމާއު ސިޔާދަތައް ނުރައްކާވާ ގޮތަށް ހުރި ނުކުތާތައް އުވާލުމަކީ ރައީސް މުއިއްޒުގެ 'ހަފްތާ 14' ނުވަތަ ފުރަތަމަ 100 ދުވަހުގެ ވައުދެކެވެ.

އެ މަސައްކަތުގެ ދަށުން، ހައިޑްރޯގްރަފީ އެއްބަސްވުމުގެ ސަބަބުން ރާއްޖޭގެ ސިޔާދަތަށް އަސަރުކުރާ ކަމަށް ފާހަގަކުރެވިފައިވާތީ، އެ އެއްބަސްވުން ކުރިއަށް ގެންދަން ބޭނުން ނުވާ ކަމަށް ނިންމައި އެކަން އިންޑިއާއަށް އަންގާފައިވާ ކަމަށް ފިރުޒުލް ވިދާޅުވި އެވެ.

އެއްބަސްވުން އުވާ ނުލާ ނަމަ، ފިރުޒުލް ވިދާޅުވީ އެއްބަސްވުން އޮޓޮމެޓިކުން ފަސް އަހަރަށް އިތުރުވާނެ ކަމަށެވެ.

"... އަޅުގަނޑުމެންގެ ކަނޑުފަޅުތަކުގެ މައުލޫމާތަކީ އަޅުގަނޑުމެންގެ ކާބަފައިންގެ ޒަމާނުއްސުރެ އަޅުގަނޑުމެންގެ ރައުސްމާލެއްގެ ގޮތުގައި، އަޅުގަނޑުމެންގެ ސިއްރެއްގެ ގޮތުގައި ދެކި، އެ ގޮތަށް ގަބޫލުކޮށް، އެފަދައިން އަމަލު ކުރަމުން އައި ހާއްސަ މައުލޫމާތު ތަކެއް،" އޭނާ ފާހަގަކުރެއްވި އެވެ.

އެހެންކަމުން، ފިރުޒުލް ވިދާޅުވި ގޮތުގައި، އެންމެ ބުއްދިވެރި ގޮތަކީ:

އެނގުން މުހިންމު - ހައިޑްރޯގްރަފިކް ސާވޭ ހަދައިގެން ކުރަހާ ޗާޓުތަކުން މާލީ ފައިދާ ނެގުމުގެ ފުރުސަތު ދެ ގައުމަށް ވެސް އޮވެ އެވެ. ނަމަވެސް، އޭގެ ބޮޑު ފައިދާއެއް ކުރަނީ އިންޑިއާ އަށެވެ. އެގޮތުން:

މި އެއްބަސްވުމާ ގުޅިގެން ކުރީގެ ސަރުކާރަށް ވަރަށް ބޯޑެތި ފާޑުކިޔުންތަކެއް ވަނީ އަމާޒު ވެފަ އެވެ. އަދި މިއީ ޕީޕީއެމް-ޕީއެންސީ ކޯލިޝަނުން ކުރިއަށް ގެންދިޔަ 'އިންޑިއާ އައުޓް' ހަރަކާތުގެ ތެރެއިން ވެސް ދެކޮޅަށް އަޑުއުފުލާފައިވާ އެއް ކަންތަކެވެ.