ހުޅުމާލެ ފޭސް އެކެއް އަދި ފޭސް ދޭއް މަތިން ފެންނަ ފޮޓޯއެއް. (ދައުރު ފޮޓޯ/ މުޒައްޔިން ނާޒިމް)
މާލެ ސަރަހައްދުން ކަރަންޓު ކެނޑުން މަދުކުރުމަށް މަޝްރޫއެއް ފަށަނީ
މާލެ ސަރަހައްދުގެ 'ޕަވާ ސެކިއުރިޓީ' ކަށަވަރުކޮށް ކަރަންޓް ކެނޑުން މަދުކުރުމަށްޓަކައި 'ސިކްސްތު ޕަވާ ޑިވެލޮޕްމަންޓް ޕްރޮޖެކްޓު'ގެ ނަމުގައި މަޝްރޫއުއެއް ހިންގަން ނިންމައިފި އެވެ.
ވީ ކިހިނެއް؟ - ސްޓެލްކޯގެ މެނޭޖިން ޑިރެކްޓަރު ހުސެން ފަހުމީ މިހެން ވިދާޅުވެފައިވަނީ މާލެ އަދި ހުޅުމާލޭގެ ޕަވާ ޖެނެރޭޝަންގެ މަސައްކަތްތަކުގައި އުޅުއްވާ މުވައްޒަފުންނާ އެކު މިއަދު ބޭއްވި ބައްދަލުވުންތަކެއްގަ އެވެ.
ސްޓެލްކޯ އިން 'އެކްސް'ގައި ކުރި ޕޯސްޓެއްގައިި ވާ ގޮތުން އެ މަޝްރޫއުގެ އަމަލީ މަސައްކަތް ކުރިއަށް އޮތް 100 ދުވަސް ތެރޭގައި ފަށާނެ ކަމަށް ވެސް ހުސެން ފަހުމީ ވިދާޅުވެފައިވެ އެވެ.
ގްރޭޓާމާލޭ ރީޖަންގެ ޕަވަރ ސެކިއުރިޓީ ކަށަވަރު ކުރުމަށްޓަކައި، ސިކްސްތް ޕަވަރ ޑިވޮލޮޕްމަންޓް ޕްރޮޖެކްޓްގެ އަމަލީ މަސައްކަތް ކުރިއަށް އޮތް 100 ދުވަހުގެ ތެރޭގައި ފެއްޓެވުމަށް މެނޭޖިންގ ޑިރެކްޓަރ ހުސައިން ފަހުމީ ނިންމަވައިފި. އެމްޑީ ފަހުމީ މިގޮތަށް ނިންމެވީ، މާލެ އަދި pic.twitter.com/8tZMJLbK3O
— STELCO (@STELCOMALDIVES) November 29, 2023
މި މަޝްރޫއު އިއުލާނު ކުރެއްވުމުގެ އިތުރުން ވެސް، މި ބައްދަލުވުމުގައި އޭނާ ވަނީ ސްޓެލްކޯ ހިންގުމުގައި މުވައްޒަފުންގެ ދައުރު ފާހަގަކުރައްވައި، ޝުކުރު އަދާކުރައްވައިފަ އެވެ.
ފާހަގަކޮށްލެވޭ - މާލެ ސަރަހައްދުން ދޭތެރެދޭތެރެއިން ކަރަންޓު ކެނޑޭތީ ދިމާވާ ދަތިތަކުގެ ޝަކުވާ ވަރަށް ގިނަ ބަޔަކު ކުރެ އެވެ.
މާލެ ސަރަހައްދުން އެންމެ ގިނައިން ކަރަންޓު ކެނޑުމުގެ މައްސަލަތައް ދިމާވަނީ ހުޅުމާލޭގެ ދެވަނަ ފިޔަވަހީގައި ހުންނަ ހިޔާ ޓަވަރުތަކުންނެވެ. މިއީ އުސް އިމާރާތްތަކަކަށް ވެފައި، އެތަނުގައި ވަރަށް ގިނަ ބަޔަކު ދިރިއުޅޭތީ، ކަރަންޓުގެ މައްސަލަ ދިމާވާ ކޮންމެ ފަހަރަކު ސްޓެލްކޯއަށް ބޮޑެތި ފާޑުކިޔުންތައް އަމާޒުވެ އެވެ.
ސްޓެލްކޯ
