ޝެންގެން ވިސާއަށް އޮންލައިންކޮށް އެދެވޭ ގޮތް ހަމަޖައްސަން ފާސްކޮށްފި

ޔޫރަޕް ބައްރުގައި އެއްވެސް ހުރަހަކާ ނުލާ ދަތުރުކުރެވޭ ގައުމުތައް ކަމަށްވާ ޝެންގެން ސަރަހައްދުގެ ގައުމުތަކަށް ދަތުރުކުރަން ބޭނުންވާ ޝެންގެން ވިސާއަށް އޮންލައިންކޮށް އެދެވޭ ގޮތް ހަމަޖައްސަން ޔޫރަޕިއަން ކައުންސިލުން ފާސްކޮށްފި އެވެ.

ވީ ކިހިނެއް؟ - ޝެންގެން ވިސާއާ ގުޅޭގޮތުން ޔޫރަޕިއަން ކައުންސިލުން އިއްޔެ ނިންމި މައިގަނޑު ނިންމުންތަކަކީ:

ގުޅުންހުރި - ޔޫރަޕިއަން ކައުންސިލްގެ މި ނިންމުމަށް ރާއްޖޭގެ ފޮރިން މިނިސްޓަރު އަބްދުﷲ ޝާހިދު ވަނީ މަރުހަބާ ވިދާޅުވެފަ އެވެ.

"މި ނިޒާމު ފެށުމަށްޓަކައި ފުރިހަމަކުރަން ޖެހޭ އިޖުރާއަތްތައް ފުރިހަމަވުމުން ޝެންގެން ވިސާއަށް އެދޭ ދިވެހިންނަށް އީ-ވިސާ ލިބޭނެ މަގުފަހިކޮށްދެއްވާތީ ޔޫރަޕިއަން ކައުންސިލަށް ޝުކުރު އަދާކުރަން،" ޝާހިދު މިއަދު 'އެކްސް'ގައި ވިދާޅުވި އެވެ.

އެނގުން މުހިންމު - އެތެރޭގެ ބޯޑަރުތަކުގައި ހުރި ކޮންޓްރޯލްތައް ނައްތާލައި މިނިވަންކަމާ އެކު ދަތުރުފަތުރު ކުރުމުގެ މިނިވަންކަން އޮންނަ ގޮތަށް ޝެންގެން އެއްބަސްވުމުގެ ދަށުން ޔޫރަޕްގެ 27 ގައުމެއް އެ ސަރަހައްދުގައި ހިމެނެ އެވެ.

ޔޫރަޕްގެ ގައުމުތަކަށް ދަތުރުކުރާ ދިވެހިންނަށް ލުއިފަސޭހަކަމާ އެކު ވިސާއަށް ހުށަހެޅުމުގެ އިންތިޒާމް ހަމަޖައްސައިދިނުމަށް މާލޭގައި ވީއެފްއެސް ގްލޯބަލް ޖޮއިންޓް ޝެންގެން ވިސާ އެޕްލިކޭޝަން (ވީއެފްއެސް މާލެ) ސެންޓަރެއް 1 މާޗު 2020ގައި ވަނީ ހުޅުވައިފަ އެވެ. 

އެ ސެންޓަރުން ޝެންގެންގެ ހަ ގައުމަކަށް ވިސާ ދޫކުރަމުން އައިސް، ހިދުމަތް ފުޅާކުރުމުގެ ގޮތުން ޝެންގެންގެ އިތުރު ތިން ގައުމެއްގެ ވިސާ ލިބޭނެ ގޮތް އިއްޔެ ވަނީ ހަމަޖައްސާފަ އެވެ.

މިހާރު ވީއެފްއެސް މާލެ މެދުވެރިކޮށް ވިސާ ނެގޭ ޝެންގެން ގައުމުތަކަކީ: