ްނަޝީދުގެ މައްސަލަ ދެވަނަ ފަހަރަށް ވައްދަން ސޮއި ހޯދީ މެމްބަރުން ބްލެކްމެއިލް ކޮށްގެން: އިލިޔާސް

ބައެއް މެމްބަރުން ވިދާޅުވޭ އާރަށް ގެންގޮސްފައި ސޮއިކުރަން ދިނީމަ ތިމަންނަމެން ސޮއި ކުރިއްޔޭ؛ އެއީ އެދުވަހުގެ ބައްދަލުވުމުގެ އެޓަންޑަސް މާކު ކުރަން ދިން ގަނޑެއް ކަމަށް ހީކޮށްގެން ބައެއް ސޮއިކުރި ކަމަށް ބައެއް މެމްބަރުން ބުނޭ

އިތުބާރު ނެތްކަމުގެ މައްސަލާގައި ސޮއިކުރުމުން ނޫނީ ފްލެޓު ބޭނުންވެގެން މެމްބަރުން ދީފައިވާ ލިސްޓުގައި ހިމެނޭ އާއިލާގެ މީހުންނާއި، ރަށްޓެހިންނަށް ފްލެޓު ނުލިބޭނެ ކަމަށް ބުނެ ބައެއް މެމްބަރުންނަށް ބިރުދައްކާފައިވާ ކަމަށް އެ މެމްބަރުން ބުނޭ

ފްލެޓު ލިސްޓު ނެރުން ލަސްވީވެސް އެ މައްސަލަ މަޖިލީހުގައި ކުރިއަށް ދިއުން މަޑުޖެހިފައި އޮތުމުން ކަމަށް މައުލޫމާތު ލިބޭ

ކޯޓުގައި އަދި ފުލުހުންގެ އިދާރާގައި ހުރި ބައެއް މެމްބަރުންނާއި ގުޅޭ މައްސަލަތަކުގެ ބިރު ދައްކައިގެންވެސް ސޮއި ހޯދާފައި އެބަހުރި؛ އޭގައި ސޮއި ކުރުމުން މައްސަލަތައް އެތަންތަނުން ނަގައިދޭނެ ކަަމަށް ބުނެފައިވޭ

ރިޔާސީ އިންތިހާބުގެ ދެ ވަނަ ބުރުން އެމްޑީޕީއަށް ކުރިމަތިވި ނާކާމިޔާބީއަށްފަހު ނަޝީދު މަގާމުން ވަކިކުރުމުގެ މަސައްކަތް އަލުން ފެށި

މައްސަލަ ދެވަނަ ފަހަރަށް މަޖިލީހަށް ވައްދާފައިވަނީ އެ ޕާޓީގެ 49 މެންބަރުންގެ ސޮޔާ އެކު މިދިޔަ މަހުގެ 9 ގައި؛ މައްސަލަ ބަލައިގަނެ، 14 ދުވަހުގެ ނޯޓިސް ފޮނުވާފައިވަނީ އެ މަހުގެ 12 ވަނަ ދުވަހު 

އެ ނޯޓިސްގެ މުއްދަތު ހަމަވެ މައްސަލަ ކުރިއަށް ގެންދަން ތާވަލުކުރި ޖަލްސާތައް ބޭއްވޭގޮތް ވެފައި ނުވަނީ މަޖިލީހުގެ ނައިބު ރައީސް، އީވާ އަބްދުﷲ އާލާސްކަންފުޅާ އުޅުއްވާތީ؛ ނައިބު ރައީސް ނެތް ހާލަތުގައި އެމައްސަލަ ކުރިއަށް ގެންދެވޭނެ ގޮތެއް ނެތް

ނައިބު ރައީސް ނެތް ހާލަތުގައި މަޖިލީހުގެ ރައީސްގެ އިތުބާރު ނެތްކަމުގެ މައްސަލައިގެ ރިޔާސަތު އެ މަޖިލީހުގެ މެމްބަރަކަށް ބެލެހެއްޓޭ ގޮތް ހަދަން ކޯޓަށް އެމްޑީޕީން ވަނީ މައްސަލަ ހުށަހަޅާފައި

އެ މައްސަލައިގެ ފުރަތަމަ އަޑުއެހުން މާދަމާ ހެނދުނު 9:30އަށް ވަނީ ސްޕްރީމް ކޯޓުގައި ތާވަލު ކޮށްފައި

ސްޕްރީމް ކޯޓުން އެ މައްސަލަ އަށް ގޮތެއް ނިންމުމުގެ ކުރިން ރިޔާސަތު ބަލަހައްޓަވަން އުޒުރުވެރިވެވަޑައިގަންނަވާކަން އީވާ މިހާރު ވަނީ މަޖިލީހުގެ އިދާރާއަށް އަންގަވާފައި