ފަލަސްތީނުގެ މިނިވަންކަމަށް ގޮވާލުމަށް މާލޭގައި މިރޭ ބޭއްވި އެއްވުމުގެ ތެރެއިން (ދައުރު ފޮޓޯ/ހުސައިން ސުނޭން)
ފަލަސްތީނުގެ މިނިވަންކަމަށް ގޮވާލައި މާލޭގައި ބޮޑު ހިނގާލުމެއް
އިޒްރޭލުގެ ހަމަލާތަކުން ސުންނާފަތި ވަމުންދާ ފަލަސްތީނުގެ ރައްޔިތުންނާ އެކު ދިވެހިން ތިބިކަން ހާމަކުރުމުގެ ގޮތުން، 'ދިވެހިން ފަލަސްތީނާ އެކު'ގެ ނަމުގައި މާލޭ މަޖީދީމަގުގައި މިރޭ ބޮޑު ހިނގާލުމެއް ބާއްވައިފި އެވެ.
ރަސްފަންނު ބީޗުން މިރޭ 8:30 ހާއިރު ފެށި މި ހިނގާލުން ނިންމާލާފައިވަނީ، ހެންވޭރު ދަނޑުންނެވެ.
ތަފްސީލް - އެއްވުމުގެ ބައިވެރިން ވަނީ ފަލަސްތީނުގެ ދިދަ އާއި ޕޯސްޓަރުތައް ހިފައިގެން ތިބެ އެމީހުންގެ ޝުއޫރު ފާޅުކޮށްފަ އެވެ.
ކުދި ބޮޑު އެތައް ސަތޭކަ ބަޔަކު ބައިވެރިވި މި އެއްވުމުގައި ދިވެހިން ވަނީ ތަކުބީރާ އެކު، ފަލަސްތީނަށް ދެމުންދާ ހަމަލާތައް ހުއްޓާލުމަށާއި ފަލަސްތީނު މިނިވަންކުރުމަށް ގޮވާލައި އަޑުއުފުލައިފަ އެވެ.
އިޒްރޭލުގެ ފަތުރުވެރިންނަށް ރާއްޖެ ނާދެވޭ ގޮތަަށް ހަދައި އެ ގައުމު ބޮއިކޮޓް ކުރުމަށް ވެސް ހިނގާލުމުގެ ބައިވެރިން ގޮވާލި އެވެ.
Maldivians showing solidarity for the Palestinian people by marching down Maale's main street.#FreePalestine #SolidaritywithPalestinians #MaldiveswithPalestine 🇵🇸✌️❤️🇲🇻 pic.twitter.com/G0wOAsbxec
— Dhivehi Archives by Naajih Didi (@NaajihDidi) October 20, 2023
އިންޓަނޭޝަނަލް އެއިޑް ކެމްޕެއިން (އައިއޭސީ) އާއި އިތުރު ބައެއް ޖަމިއްޔާތައް ގުޅިގެން ބޭއްވި އެ އެއްވުން ނިންމާލީ ފަލަސްތީނަށް ނަސްރު ދެއްވުމަށް އެދި ދުއާއެއް ކުރުމަށް ފަހު އެެވެ.
ފަލަސްތީނު މީހުންގެ ހައްގުތަކަށް ގޮވާލައި، މާލޭގައި މިދިޔަ ހުކުރު ދުވަހު ވެސް އެއްވުމެއް ބޭއްވި އެވެ.
ގުޅުންހުރި - ފަލަސްތީނަށް އެހީވުމަށް އައިއޭސީ މި މަހުގެ 8 ވަނަ ދުވަހު ހުޅުވާލި ފަންޑަށް، މިހާތަނަށް 13 މިލިޔަނަށް ވުރެ ގިނަ ރުފިޔާ ދިވެހިން ވަނީ ސަދަގާތުގެ ގޮތުގައި ހަދިޔާކޮށްފަ އެވެ. އަދި އެ ފައިސާ އިން އައިއޭސީން އަންނަނީ ފަލަސްތީނަށް އެކި އެހީތައް ފޯރުކޮށްދެމުންނެވެ.
ކޮމެންޓް (2)
ެއިސްރާލް
ޖަމީލު