ކޮމަންވެލްތު އޮބްޒާވަރުންގެ ތައުރީފު އިންތިހާބުގެ ދެވަނަ ބުރަށް

މިދިޔަ ހޮނިހިރު ދުވަހު ބޭއްވި ރިޔާސީ އިންތިހާބުގެ ދެ ވަނަ ބުރުގެ ވޯޓުލުން ކުރިއަށް ދިޔައީ ވަރަށް އަމާންކަމާ އެކު، ދެ ފުށް ފެންނަ ގޮތަށް ކަމަށް ބުނެ، ވޯޓުލުމުގެ ކަންކަން ކުރިއަށްދިޔަ ގޮތަށް އިންތިހާބު އޮބްޒާވް ކުރި ކޮމަންވެލްތުގެ ޓީމުން ތައުރީފުކޮށްފި އެވެ.

ވީ ކިހިނެއް؟ - ދެ ވަނަ ބުރު އޮބްޒާވް ކުރުމުގައި ފާހަގަކުރެވުނު މައިގަނޑު ކަންކަމަށް އަލިއަޅުވާލައި ކޮމަންވެލްތުގެ އޮބްޒާވަރުންގެ ޓީމުން ނެރެފައިވާ ނޫސްބަޔާނުގައި، ވޯޓުގެ އެއްވެސް މައްސަލައެއް ފާހަގަކުރެވުނު ކަމަށް ބުނެފައެއް ނުވެ އެވެ. އެއާ ހިލާފަށް، މުޅިން ވެސް ފާހަގަކޮށްފައި ވަނީ ރަނގަޅަށް ކުރިއަށް ދިޔަ ކަންކަމެވެ.

ބުނީ ކީކޭ؟ - "އަޅުގަނޑުމެންގެ ޖުމްލަ ހޯދުންތަކުން ދައްކާ ގޮތުގައި، ރިޔާސީ އިންތިހާބުގެ ދެ ވަނަ ބުރުގެ ވޯޓުލުން ކުރިއަށް ދިޔައީ ވަރަށް އަމާންކަމާ އެކު، ދެ ފުށް ފެންނަ ގޮތަށް،" އެ ކަމުގައި ދިވެހި ރައްޔިތުން އަދާކުރި ދައުރު ފާހަގަކޮށް، އިންތިހާބުގެ ފަހުން ވެސް އަމާންކަން ދަމަހައްޓަން ގޮވާލަމުން ކޮމަންވެލްތުގެ ޓީމުން ބުނެފައިވެ އެވެ.

އިންތިހާބީ ރައީސް ޑރ. މުހައްމަދު މުއިއްޒުއަށް މަރުހަބާކިޔައި އެ ޓީމުން ބުނީ، ވެރިކަން ބަދަލުވުމުގެ މަރުހަލާގެ ކަންކަން ވީހާ ވެސް އޮމާންކަމާ އެކު ކުރިއަށް ގެންގޮސް، ޑިމޮކްރެސީގެ ރީތި ހަމަތަކާއި އުސޫލުތައް ރާއްޖެއިން ނަގަހައްޓާނެ ކަމަށް އުންމީދު ކުރާ ކަމަށެވެ.

ތަފްސީލް - ކޮމަންވެލްތުގެ އޮބްޒާވަރުންގެ ޓީމުން ދެ ވަނަ ބުރުގެ ވޯޓުލުމާ މެދު ފާހަގަކޮށްފައިވާ މައިގަނޑު ކަންކަމަކީ:

ފާހަގަކޮށްލެވޭ - ކޮމަންވެލްތުގެ އޮބްޒާވަރުންގެ ޓީމުގެ އިތުރުން، އިންތިހާބުގެ ކަންކަން އޮބްޒާވް ކުރުމުގައި ހަރަކާތްތެރިވި ޓްރާންސްޕޭރެންސީ މޯލްޑިވްސް އާއި ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރުސީއެމް) އިން ވެސް ވަނީ ދެ ވަނަ ބުރުގެ އިންތިޒާމްތަކަށް ތައުރީފުކޮށް، އިލެކްޝަންސް ކޮމިޝަންގެ މަސައްކަތަށް ޝުކުރު އަދާކޮށްފަ އެވެ.

މިއީ މިހާތަނަށް ރާއްޖޭގައި ބޭއްވޮ އެންމެ އަމާން، އޮމާން އެއް އިންތިހާބު ކަމަށް ބުނެ، އާންމުންގެ ގިނަ ބަޔަކު ވަނީ ސޯޝަލް މީޑިއާގައި އީސީއަށް ޝުކުރު އަދާކޮށްފަ އެވެ. ހާއްސަކޮށް، ކޮމިޝަންގެ ރައީސް ފުއާދު ތައުފީގުގެ މަސައްކަތަށް އެތައް ބަޔަކު ތައުރީފު ކުރި އެވެ.