ރިޔާސީ އިންތިހާބުގެ ފުރަތަމަ ބުރުގެ ވޯޓުލުން (ދައުރު ފޮޓޯ/ހުސައިން ސުނޭން))
ނަޝީދުގެ ބަރުލަމާނީ ނިޒާމުގައި ވެސް ރައީސް ހޮވާނީ ރައްޔިތުންގެ ވޯޓުން
ބަރުލަމާނީ ނިޒާމަށް ރާއްޖޭގެ ވެރިކަމުގެ ނިޒާމު ފުރޮޅާލިޔަސް، ދައުލަތުގެ އެންމެ އިސް ވެރިޔާގެ ގޮތުގައި ހުންނަވާ ރައީސް ކަމަށް ބޭފުޅަކު އިންތިހާބުކުރާނީ ރައްޔިތުންގެ ސިއްރު ވޯޓަކުން ކަމަށް، ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރައްޔިތުންގެ މަޖިލީހަށް ހުށަހަޅުއްވާފައިވާ ވެރިކަމުގެ ނިޒާމާ ގުޅޭ ކަރުދާހުގައި ބުނެފި އެވެ.
މައްސަލައިގެ ފެށުން - އަންނަ މަހުގެ 30ގެ ކުރިން، ނިޒާމު ބަދަލުކުރުމާ ގުޅޭ ގޮތުން ފެންނަ ނުފެންނަ ވޯޓެއް ނެގުމަށް އިލެކްޝަންސް ކޮމިޝަނަށް އެންގުމަށް، ރައްޔިތުންގެ މަޖިލީހުން ވަނީ މިދިޔަ ބުދަ ދުވަހު ގަރާރެއް ފާސްކޮށްފަ އެވެ.
ވޯޓުގައި ބައިވެރިވެވަޑައިގެންނެވި 35 މެމްބަރުންގެ އިއްތިފާގުން ފާސްކުރި އެ ގަރާރު މަޖިލީހުގެ އިދާރާއިން ވަނީ މިދިޔަ ބުރާސްފަތި ދުވަހު އީސީއަށް ފޮނުވާފަ އެވެ. އީސީން ވަނީ، އެފަދަ ވޯޓެއްގައި އަހާނެ ސުވާލު ސާފުކޮށްދިނުުމަށް މަޖިލީހުގެ އިދާރާގައި އެ ދުވަހު އެދިފަ އެވެ.
ވީ ކިހިނެއް؟ - މިއަދު ބާއްވަން އުޅުނު ޖަލްސާއަށް އެޖެންޑާކޮށްފައި އޮތީ ނިޒާމީ ވޯޓުގެ ކަރުދާސް އޮންނަ ގޮތް ކަނޑައެޅުމާ ވެެރިކަމުގެ ނިޒާމާ ގުޅޭ ކަރުދާހުގެ މަސައްކަތެވެ. ނަމަވެސް ކޯރަމް ހަމަނުވާތީ މިއަދުގެ ޖަލްސާ ކުރިއަކަށް ނުގެންދެވުނެވެ.
-
އިތުރަށް ކިޔާލަން - ނިޒާމީ ކަރުދާހާ ގުޅޭ މަޖިލިސް ޖަލްސާ ކޯރަމް ހަމަނުވެގެން ނުބޭއްވުނު
ތަފްސީލް - ނަޝީދު މިއަދު ހުށަހަޅުއްވަން ނިންމެވި ބަރުލަމާނީ ނިޒާމުގެ ސިފަތަކާއި ރިޔާސީ ނިޒާމެއްގެ ސިފަތައް ހިމެނޭ ކަރުދާހުގައި ބުނާ ގޮތުން:
-
ބަރުލަމާނީ ނިޒާމުގައި ހިމެނެނީ، ރައްޔިތުންގެ މަޖިލީހުގެ މެންބަރުންގެ ތެރެއިން އެ މެންބަރުންގެ އަގުލަބިއްޔަތުން އިންތިހާބު ކުރާ ބޮޑުވަޒީރަކާއި ރައްޔިތުންގެ ސީދާ ވޯޓަކުން އިންތިހާބު ކުރާ ރައީސެއް
-
ދައުލަތުގެ އެންމެ އިސްވެރިޔާގެ ގޮތުގައި ރައީސް ހުންނަވާއިރު، ބޮޑުވަޒީރަކީ ސަރުކާރުގެ އެންމެ އިސްވެރިޔާ
-
ސަރުކާރަކީ މަޖިލީހުގެ ތެރެއިން އުފެދޭ ބައެއް - ވަޒީރުންގެ މަޖިލިސް ނުވަތަ ކެބިނެޓް އެކުލަވާލާނީ ބޮޑުވަޒީރު؛ ވަޒީރުންގެ މަޖިލީހުގެ ހުރިހާ މެންބަރުންނަކީ ވެސް ރައްޔިތުންގެ މަޖިލީހުގެ މެންބަރުން
އެނގުން މުހިއްމު - ބަރުލަމާނީ ނިޒާމެއްގައި ރައީސް އިންތިހާބުކުރާނީ މަޖިލީހުގެ އެއްވެސް ދައުރެއް ނެތި ރައްޔިތުންގެ ސިއްރު ވޯޓަކުން ކަމަށް އެ ކަރުދާހުގައިވެ އެވެ. ނަމަވެސް، ބަރުލަމާނީ ނިޒާމު ހިންގާ ބައެއް ގައުމުތަކުގައި ރައީސް އިންތިހާބުކުރަނީ ރައްޔިތުންގެ މަޖިލީހުންނެވެ. އެ ނިޒާމު ހިންގާ އަވަށްޓެރި އިންޑިއާގައި ވެސް ރައީސް އިންތިހާބުކުރަނީ މަޖިލީހުގެ އަގުލަބިއްޔަތުންނެވެ.
ނަޝީދު ހުށަހަޅުއްވާ ބަރުލަމާނީ ނިޒާމުގެ އަސާސީ ސިފަތައް
ދައުލަތް ހިންގުމުގެ ބާރު:
-
ބަރުލަމާނީ ނިޒާމުގައި ދައުލަތް ހިންގުމުގެ ބާރުތަކުގެ ތެރެއިން ވެރިކަން ހިންގުމުގެ ބާރާއި ގާނޫނު ހެދުމުގެ ބާރު އޮންނާނީ އެއް ބާރު އަނެއް ބާރާ ގުޅިފައި
-
ވެރިކަން ހިންގުމުގެ ބާރު ލިބެނީ ބޮޑުވަޒީރަށް
-
ގާނޫނު ހެދުމުގެ ބާރު ލިބެނީ ރައްޔިތުންގެ މަޖިލީހަށް
-
އަދުލު އިންސާފު ގާއިމުކުރުމުގެ ބާރު ހަމައެކަނި ލިބޭނީ ޝަރުއީ ކޯޓުތަކަށް
-
ދައުލަތުގެ އެންމެ އިސްވެރިޔާ އަކީ ރައީސް
-
ރައީސް އިންތިހާބު ކުރާނީ ރައްޔިތުންގެ މަޖިލީހުގެ އެއްވެސް ދައުރެއް ނެތި ރައްޔިތުންގެ ސީދާ ސިއްރު ވޯޓަކުން
-
ބޮޑުވަޒީރަކަށް ހޮވާނީ ރައްޔިތުންގެ މަޖިލީހުގެ މެމްބަރުންގެ ތެރެއިން މަޖިލީހުގެ އަގުލަބިއްޔަތު އޮންނަ މެމްބަރެއް
-
ވަޒީރުންގެ މަޖިލިސް ނުވަތަ ކެބިނެޓް އެކުލަވާލާނީ ބޮޑުވަޒީރު
-
ބޮޑުވަޒީރާއި ވަޒީރުން ޖަވާބުދާރީވާނީ މަޖިލީހަށް
-
ސުޕްރީމް ކޯޓަށް ފަނޑިޔާރުން ކަނޑައަޅާނީ ރައީސް؛ އެ ފަނޑިޔާރުން ވަކިކުރެވޭނީ މަޖިލީހަށް
-
ދަށު ކޯޓުތަކަށް ފަނޑިޔާރުން އައްޔަންކުރާނީ ޖޭއެސްސީން؛ އެ ފަނޑިޔާރުން ވަކިކުރާނީ ޖޭއެސްސީގެ ލަފާގެ މަތިން މަޖިލީހުން ފާސްކުރުމުން
ރައީސްގެ މަސްއޫލިއްޔަތު:
-
ގާނޫނުއަސާސީގައި ބަޔާންކުރާ ގޮތުގެ މަތިން ރައްޔިތުންގެ މަޖިލީހުން އިންތިހާބުކުރާ ބޮޑުވަޒީރު އެ މަގާމަށް އައްޔަންކުރުމާއި އޭނާގެ އިސްތިއުފާ ބަލައިގަތުން
-
އާއްމު އިންތިހާބު އިއުލާނުކުރުން
-
ގާނޫނުއަސާސީގައި ބަޔާންކުރާ މިނިވަން މުސްތަގިއްލު މަގާމުތަކާއި އިދާރާތަކަށް ރައްޔިތުންގެ މަޖިލީހުގެ މަޝްވަރާގެ މަތިން މީހުން އައްޔަންކުރުން
-
ބޮޑުވަޒީރުގެ މަޝްވަރާގެ މަތިން ސިފައިންގެ އެންމެ މަތީ ވެރިޔާގެ މަސްއޫލިއްޔަތު އަދާކުރާނީ ރައީސް
-
ސުޕްރީމް ކޯޓަށް ފަނޑިޔާރުން ކަނޑައަޅާނީ ރައީސް؛ ވަކިކުރެވޭނީ މަޖިލީހަށް
ބޮޑުވަޒީރުގެ މަސްއޫލިއްޔަތު:
-
ބޮޑުވަޒީރު ކަމަށް ހުރެވޭނީ މަޖިލީހުގެ އަގުލަބިއްޔަތު އޭނާއަށް އޮންނަ ނަމަ
-
ބޮޑުވަޒީރާއި ވަޒީރުންނާއި ސަރުކާރުގެ މައްޗަށް އިތުބާރު ނެތް ކަމަށް މަޖިލީހުން ފާސްކޮށްފި ހިނދެއްގައި އާ ސަރުކާރެއް އެކުލަވާލަން ޖެހޭ
-
ބޮޑުވަޒީރުގެ މައްޗަށް އިތުބާރު ނެތް ކަމަށް މަޖިލީހުން ފާސްކޮށްފި ނަމަ، އޭނާ މަގާމުން އިސްތިއުފާ ދޭން ޖެހޭ
ރިޔާސީ ދައުރު:
-
ރައީސްގެ ދައުރަކީ ފަސް އަހަރު
-
ބަރުލަމާނީ ނިޒާމެއްގައި މަޖިލީސް އުވިއްޖެ ނަމަ ސަރުކާރު އުވޭނެ
-
މަޖިލީހުގެ އުމުރަކީ ވެސް ފަސް އަހަރު
އެނގުން މުހިންމު - ނަޝީދު ހުށަހަޅުއްވާ ކަރުދާހުގައިވާ ގޮތުން، ބަރުލަމާނީ ނިޒާމުގައި މަޖިލީހަށް އިންތިހާބުކޮށްފައިވާ މެމްބަރަކު އެ އިންތިހާބުގެ ދައުރުގެ ތެރޭގައި މެމްބަރުކަމުން ވަކިކުރުމަށް އޭނާ އިންތިހާބުކުރާ ދާއިރާގެ ރައްޔިތުން ބޭނުންވެއްޖެ ނަމަ، އެ ރައްޔިތުންގެ ސިއްރު ވޯޓަކުން މަގާމުން ދުރުކުރުމުގެ ބާރު އޮވެ އެވެ. އެގޮތުން، އެ މެމްބަރަކު މަޖިލީހަށް އިންތިހާބުވުމަށް ލިބުނު ވޯޓުގެ %50 އެ މެމްބަރަކަށް ލިބިފައިނުވާ ނަމަ، މެމްބަރުކަމުން ވަކިވާނެ ކަމަށް އެ ކަރުދާހުގައި ބުނެފައިވެ އެވެ.
ކޮމެންޓް (6)
މޫސާ ސިރާޖް
މޫސާ ސިރާޖް
ރާހޫލް
ސިންގަޕޫރާ ފިންލެންޑް
ޒަމީރު
އިރުވަރު