ވެރިކަމުގެ ފުރަތަމަ 3 މަސް ތެރޭ ރާސްފިނޮޅު މާފަރަށް ދޭނަން: މުއިއްޒު

ނ. މާފަރު ފަޅުތެރޭގައި އޮންނަ ރާސްފިނޮޅާއި ދެ ފަޅު ރަށް ހިމެނޭހެން އެ ރަށުގެ އިހުތިސޯސް އިން ވަކިކޮށްފައިވާ ބައި، ޕީޕީއެމް-ޕީއެންސީގެ ވެރިކަމެއްގެ ފުރަތަމަ ތިން މަސްދުވަހުގެ ތެރޭގައި އެ ރަށުގެ އިހުތިސޯސްގެ ތެރޭގައި ހިމަނުއްވައިދެއްވަން، ޕީޕީއެމް-ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު މިއަދު ވައުދުވެވަޑައިގެންފި އެވެ.

މައްސަލައިގެ ފެށުން - ލާމަރުކަޒީ ގާނޫނުގެ ދަށުން، 2020ގައި މާފަރުގެ އިހުތިސޯސް ކަނޑައެޅިއިރު އެ ރަށުގެ ފަޅުން ގާތްގަނޑަކަށް 80 ހެކްޓަރުގެ ސަރަހައްދަކާއި އެ ސަރަހައްދުގައި އޮންނަ ދެ ފަޅު ރަށް ވަނީ ވަކިވެފަ އެވެ. އޭގެ ތެރޭގައި، މާފަރު ފަޅުގައި އޮންނަ ފިނޮޅެއް ކަމަށްވާ ރާސްފިނޮޅުން ބައެއް ވެސް ހިމެނެ އެވެ.

އޭގެ އިތުރުން، މާފަރުގެ އިހުތިސޯސް އިން ވަކިކޮށްފައިވާ ދެ ފަޅު ރަށަކީ:

ވީ ކިހިނެއް؟ - މި މަހުގެ 30ގައި ބާއްވާ ރިޔާސީ އިންތިހާބުގެ ދެ ވަނަ ބުރުގެ ކެމްޕޭނަށް މިއަދު މާފަރަށް ވަޑައިގެން، އެ ރަށުގެ ރައްޔިތުންނާ ބައްދަލުކުރައްވައި ވާހަކަދައްކަވަމުން މުއިއްޒު ވަނީ، މާފަރުގެ ފަޅުތެރެއިން ގެއްލިފައިވާ ބައިތައް އެ ރަށުގެ އިހުތިސޯސްގެ ތެރޭގައި ހިމަނުއްވައިދެއްވުމަށް ވައުދުވެވަޑައިގެންފަ އެވެ.

ބުނީ ކީކޭ؟ - މުއިއްޒު ވިދާޅުވީ އޭނާގެ ސަރުކާރުގެ ފުރަތަމަ ތިން މަސްދުވަހުގެ ތެރޭގައި އެކަން ކޮށްދެއްވާނެ ކަމަށެވެ.

"މި ރަށުގެ ފަޅުތެރޭ އިހުތިސޯސް އިން ވަކިކޮށްފައިވާ ބައި އެއީ ތިޔަބޭފުޅުންނަށް ލިބިލައްވާނެ ބައެއް ކަމުގައި ގަބޫލުކުރައްވާ،" އޭނާ ވިދާޅުވި އެވެ.

ގުޅުން ހުރި ކަމެއް - މާފަރު ކައުންސިލުގެ ރައީސް މުހައްމަދު އަދުނާން މީގެ ކުރިން 'ދައުރު'އަށް ދެއްވި އިންޓަވިއުއެއްގައި ވިދާޅުވެފައިވާ ގޮތުން، އެ ރަށު ފަޅުތެރޭގައި އޮންނަ ރާސްފިނޮޅު ގިރާލައިގެން ގޮސް، މާފަރުގެ ޗާޓުން ފުހެވިގެން ދާއިރު އެ ތަނުން ވެލި ނެގުން ނުހުއްޓުވެނީ ވެސް، އެއީ މާފަރުގެ އިހުތިސޯސްގެ ތެރޭގައި އޮންނަ ތަނަކަށް ނުވާތީ އެވެ.

އެނގުން މުހިންމު - މީގެ ކުރިން ކޮންމެ އިންތިހާބެއްގައި އެމްޑީޕީއަށް ބޮޑު އަގުލަބިއްޔަތެއް ލިބޭ މާފަރުން، މި މަހުގެ 9ގައި ބޭއްވި ރިޔާސީ އިންތިހާބުގެ ފުރަތަމަ ބުރުގައި ކުރި ހޯއްދެވީ މުއިއްޒެވެ. އެގޮތުން: