ރިޔާސީ ކެމްޕޭނު ފޯރިގަދަ ހަރަކާތްތަކަކާ އެކު ނިމުމަކަށް

ގާސިމް ވިދާޅުވީ، ނުހޯދިގެން މަރުތަކުގެ ހަގީގަތް ވެސް ހޯދައިދޭނެ ކަމަށާއި ނުހޯދިގެން އުޅޭ އެމްއެމްޕީއާރްސީގެ ފައިސާ ވެސް ހޯދައިދޭނެ ކަމަށް. ވާހަކަ ނިންމާލައްވަމުން ގާސިމް އެދިވަޑައިގަތީ މާދަމާ ހެނދުނު ހެނދުނާ ނުކުމެ ސުލުހަވެރިކަމާ އެކު، ހަމަނުޖެހުމެއް ނުހިންގާ ވޯޓުލައި ނިންމާލުމަށް.

މުއިއްޒުގެ ވާހަކަ ނިންމަވާލެއްވުމަށް ފަހު، ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އިސްވެ ހުންނަވައި ދުއާއެއް ކުރައްވަމުން އެބަގެންދަވާ. އެ ދުއާގައި ޕީޕީއެމް-ޕީއެންސީގެ އިސް ބޭފުޅުންގެ އިތުރުން ސަރަހައްދަށް އެއްވެ ތިބި ސަޕޯޓަރުން ބައިވެރިވޭ.

އިލްޔާސް ވިދާޅުވީ ވެވަޑައިގަންނަވާ ވައުދުތައް ނުފުއްދައި ރައްޔިތުންގެ ކުރިމައްޗަށް ނުނުކުންނަވާނެ ކަމަށް. އޭނާ މިސާލެއް ނަންގަވަމުން ވިދާޅުވީ ވެރިކަމަށް ހޮވިވެވަޑައިގެންފި ނަމަ، ކުރިއަށް އޮތީ އާމްދަނީ އިތުރުވާނެ ފަސް އަހަރު ކަމަށް.

އޭނާގެ މެނިފެސްޓޯގައި ހިމެނޭ ކަންކަމަށް އަލިއަޅުވާލެއްވުމަށް ފަހު، މި ގައުމަށް ތަރައްގީ ގެނެސް، ދިވެހި ބަސް ހިމާޔަތްކޮށް، މިނިވަންކަން ކަށަވަރުކޮށް، ދިވެހިންނަށް ކުރިއެރުން ލިބޭނެ ގޮތްތައް ރައްޔިތުންނާ ހަމައަށް ގެނެސްދީފައިވާނެކަން ފާހަގަކުރައްވައި މުއިއްޒު އެދިވަޑައިގެންނެވީ ހުރިހާ ރައްޔިތުން ވެސް އޭނާއަށް ވޯޓު ދިނުމަަށް.

ކެމްޕެއިން ނިންމާލުމުގެ ގޮތުން ޑިމޮކްރެޓްސް އިން ބޭއްވި އެއްވުމުގައި ވާހަކަދައްކަވަމުން އިލްޔާސް ވިދާޅުވީ ރައްޔިތުން ވޯޓު ލާންވީ މުސްތަގުބަލަށް ވިސްނުމަށް ފަހު ކަމަށް. އެގޮތުން، އިންތިހާބާ އެކު ރާއްޖޭގެ ސިޔާސީ މަސްރަހުން ރައީސް ސޯލިހުގެ ނަން ފޮހެވިގެންދާނެ ކަމަށް އޭނާ ވިދާޅުވި.

ގާސިމް އިބްރާހިމް:

ފައިސާ ޗާޕުކުރުން މުޅިން ހުއްޓާލައި ބޭކާރު ހަރަދުތައް ނުކޮށް، ހަރަދުތައް ކޮންޓްރޯލްކޮށް، ރައްޔިތުންނަށް ބުރައެއް ނުޖައްސައި ދައުލަތުގެ ދަރަނި ދައްކައިދީ، އިގްތިސޯދު ކޮޅަށް ޖަހައިދޭނެ ކަމަށް މުއިއްޒު ވިދާޅުވި.

ރައީސް ގެންދަވަނީ ސަޕޯޓަރުންނާ އެކު ފޮޓޯ ނަންގަވަމުން. ކެމްޕޭނު ހަރަކާތް ނިންމާލާނީ ހާއްސަ ދުއާއަކުން. ރައީސް ވިދާޅުވީ ކެމްޕޭނުގައި އެ މަނިކުފާނު ނެންގެވި ސެލްފީގެ އަދަދުން ބެލިިޔަސް އިދިކޮޅު ކެންދިޑޭޓު ބަލިވާނެ ކަމަށް.

މާދަމާ ނިންމާ ނިންމުމަކީ މުޅި ރާއްޖޭގެ ހުރިހާ ރައްޔިތުންގެ ހައްގުގައި ނިންމާ ނިންމުމެއް ކަމަށް ވިދާޅުވެ، މުއިއްޒު ގޮވާލެއްވީ ކޮންމެ ރައްޔިތަކު ވެސް "ތިމަންނައަކީ ފަހުރުވެރި ދިވެއްސެއް"ގެ ގޮތުގައި ދެކިގެން ގޮސް މާދަމާ ވޯޓު ލާން. އޭނާއަށް ވޯޓު ލައިފި ނަމަ، ދިވެހިންގެ މިނިވަންކަން ދިފާއުކޮށްދޭނެ ކަަމަށް މުއިއްޒު ވިދާޅުވި.

ރައީސް ސޯލިހް: ފަންނާނުންނަށް ފުރުސަތު ދެވިއްޖެ. އޮލިމްޕަސް ޒަމާނީ ކޮށްދިނީ މި ސަރުކާރުން. ކުޅިވަރު ކުޅުންތެރިންނަށް ތަފާތު ކުރުމެއް ނެތި އެލަވެންސް ދޭން ފެށީ ވެސް މި ސަރުކާރުން. ތަކުރާރުކޮށް ރައީސް ވިދާޅުވީ އިންތިހާބު ނިމެއްޖެ ކަމަށާއި މާދަމާ ރޭ އުސްފަސްގަނޑަށް އެއްވާނީ އިންތިހާބުގެ ކާމިޔާބީ ފާހަގަކުރަން ކަމަށް.

އިދިކޮޅު ޕީޕީއެމް-ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު މިވަގުތު އަންނަނީ ސަޕޯޓަރުންނާ މުހާތަބުކުރައްވައި ވާހަކަ ދައްކަވަމުން.

ރައީސް ވަނީ މި ސަރުކާރުގެ ފަސް އަހަރު ތެރޭ އަންހެނުން ބާރު ވެރިކުރުމަށް ކުރެވުނު މަސައްކަތްތައް ފާހަގަކުރައްވާފައި.

ރައީސް ސޯލިހް: ހަރުކަށި ފިކުރާއި ދީނާ ހިޔާލު ތަފާތުވާ މީހުންނަށް ނަސޭހަތް ދިނުމަށް ދީނީ އިލްމުވެރިންނަށް މި ފަސް އަހަރު ފުރުސަތު ދެވިއްޖެ. ސަތޭކައަށް ވުރެ ގިނަ ދިވެހިން ސީރިޔާއަށް ގޮސް އަމިއްލައަށް މަރުވެފައި ވާއިރު، އެ ތަނުގައި ހާލުގައި ޖެހިފައި ތިބި ކުޑަކުދިންނާއި އަންހެނުން ރާއްޖެ ގެނައުމުގެ މަސައްކަތް ކުރަމުން އެބަ ގެންދަން.

ރައީސް ސޯލިހް: ވާދަވެރިން އިއްޔެ ކެމްޕޭނު ދޫކޮށްލައިފި. ހަމައެކަނި ކެމްޕޭނު ކުރަމުން އަންނަނީ އެމްޑީޕީ އާއި ގުޅިފައިވާ ޕާޓީތަކުގެ ކޯލިޝަން. މިދިޔަ ފަސް އަހަރަކީ ރާއްޖޭގެ މިނިވަންކަން ދިފާއުކުރުމަށް އެންމެ ބުރަ މަސައްކަތް ކުރެވުނު ފަސް އަހަރު.

ރައީސް ސޯލިހް މާލެ ވަޑައިގެން އުސްފަސްގަނޑަށް ވަޑައިގެންފި. އެ މަނިކުފާނު ގެންދަވަނީ އުސްފަސްގަނޑަށް އެއްވެ ތިބި ސަޕޯޓަރުންނާ މުހާތަބުކުރައްވައި ވާހަކަފުޅު ދައްކަވަމުން. ރައީސް ޖޯޝާ އެކު ވިދާޅުވީ އިންތިހާބު ކާމިޔާބު ކުރައްވާނީ އެއް ބުރުން ކަމަށް.

ކެމްޕޭނު ނިންމުމުގެ އެއްވުމުގައި ބައިވެރިވެވަޑައިގެން، ރައީސް ސޯލިހުގެ ރިޔާސީ ކެމްޕޭނުގެ ތަރުޖަމާނު، ޑިފެންސް މިނިސްޓަރު މާރިޔާ އަހުމަދު ވިދާޅުވީ އެމްޑީޕީ އަކީ ބޮޑު ޕާޓީއެއް ކަމަށާއި ޕާޓީގެ މެންބަރުގެ ޖޯޝާއި ފޯރި އެބައޮތް ކަމަށް. ވީހާ ވެސް ހެނދުނަކާ ވޯޓު ލުމަށް ރައީސް ސޯލިހުގެ ސަޕޯޓަރުންގެ ކިބައިން މާރިޔާ އެދިވަޑައިގެންނެވި.

ރައީސް އިބްރާހިމް މުހައްމަދު ސޯލިހުގެ ކެމްޕޭނު ނިންމުމުގެ ހަރަކާތަށް ގިނަ އަދަދެއްގެ ސަޕޯޓަރުން ވަނީ އުސްފަސްގަނޑު ސަރަހައްދަށް އެއްވެފައި. ކ. އަތޮޅުގެ ބައެއް ރަށްރަށަށް ކުރެއްވި ކެމްޕޭނު ދަތުރުފުޅަށް ފަހު ރައީސް ވެސް އެ ސަރަހައްދަށް ވަޑައިގަންނަވާނެ.

ޕީޕީއެމް-ޕީއެންސީ އާ ޖޭޕީ ވެސް މިވަގުތު ތިބީ މަޖީދީމަގުގައި. އެހެންވެ، ދެ ޕާޓީގެ ހަރަކާތަށް ފުރުސަތު ދިނުމަށް އެސްއޯ ފުލުހުންގެ އެހީތެރިކަމާ އެކު، މަޖީދީ މަގުގެ ދެ ފަޅިން ކުރިއަށް ދިއުމަށް ޖޭޕީން އަންނަނީ އެ ޕާޓީގެ ސަޕޯޓަރުންނަށް އިރުޝާދު ދެމުން.

ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބުގެ ކެމްޕޭން ނިންމާލުމުގެ ގޮތުން ރަސްފަންނުގައި އެއްވުމެއް ފަށައިފި. މި އެއްވުން ފެށުމުގެ ކުރިން 'ދައުރު'އާ ވާހަކަދައްކަވަމުން އިލްޔާސް އިލްތިމާސްކުރެއްވީ މާދަމާ ލަސްނުކޮށް ވޯޓުލާން ދިއުމަށް.

އަމިއްލަ ގޮތުން އިންތިހާބުގައި ވާދަކުރައްވާ ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން، ކެންޑިޑޭޓް ނަންބަރު 6، ފާރިސް މައުމޫން ވެސް ކެމްޕޭނުގެ ފަހު ހަރަކާތް ފައްޓަވައިފި. ކެމްޕޭނުގެ ޕޯސްޓަރުތައް ހަރުކޮށްފައިވާ ޕިކަޕެއްގައި ލަވަ ޖަހަމުން ފާރިސް ބޮޑުތަކުރުފާނު މަގުން ވަޑައިގަންނަވާއިރު، ރެލީގައި ބައިވެރިވާ އޭނާގެ ސަޕޯޓަރުން ވެސް ޕިކަޕު ފަހަތުން ހިނގާފައި ދާ މަންޒަރު ފެނޭ.

ޖުމްހޫރީ ޕާޓީ (ޖޭޕީ)ގެ ރިޔާސީ ކެންޑިޑޭޓު ގާސިމްގެ ކެމްޕެއިން ނިންމާލުމަށް  ބާއްވާ ހިނގާލުން ފަށައިފި. މި ހިނގާލުން ފެށީ އާޓިފިޝަލް ބީޗު ސްޓޭޖާއި ހެންވޭރު ދަނޑާ ދެމެދުން މަޖީދީ މަގުން. މި ހިނގާލުން، ގާސިމްއާ އެކު ލީޑު ކުރައްވަނީ އޭނާގެ އަނބިކަނބަލުން، ޓްރާސްޕޯޓް މިނިސްޓަރު އައިޝަތު ނަހުލާ އާއި ގާސިމްގެ ރަނިން މޭޓް އަމީން އިބްރާހިމް އަދި ކުރީގެ ރައީސް ޑރ. މުހައްމަދު ވަހީދު.

ރައީސް ސޯލިހް މި ވަގުތު ހުންނެވީ ކ. ހިންމަފުށީގައި. ނަމަވެސް، އެމްޑީޕީން އުސްފަސްގަނޑުގައި ބާއްވާ ހަރަކާތް ވަނީ ފެށިފައި. ރައީސް ހިންމަފުށިން މާލެ ވަޑައިގެން، އުސްފަސްގަނޑަށް ވަޑައިގަންނަވާނެ.