ރިސޯޓެއްގެ ބަޓްލަރަކު ފަތުރުވެރިއަކު ރޭޕްކުރި ކަމަށް ބުނާ މައްސަލައެއް ބަލަނީ

ކ. އަތޮޅުގައި އޮންނަ ރިޒް ކާލްޓަން ރިސޯޓުގައި ޗުއްޓީ ހޭދަކުރަމުން އައި ފަތުރުވެރިޔަކު، އެ ތަނުގެ ބަޓްލަރަކު ރޭޕްކޮށްފައިވާ ކަމަށް ބުނާ މައްސަލައެއް ތަހުގީގުކުރަމުން އަންނަ ކަމަށް ފުލުހުން މިއަދު ބުނެފި އެވެ.

ވީ ކިހިނެއް؟ - ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނި ގޮތުގައި:

އެ މައްސަލަ ހުށަހަޅާފައިވަނީ މި މަހުގެ 6ގައި ކަމަށް ފުލުހުން ބުނި ނަމަވެސް، ފަތުރުވެރިޔާ ބުނެފައިވަނީ މައްސަލަ ހުށަހަޅާފައިވަނީ މި މަހުގެ 11ގައި ކަމަށެވެ.

ފަތުރުވެރިޔާގެ ބަސް - އޭނާ ރޭޕްކޮށްފައިވަނީ ރިޒް ކާލްޓަން ރިސޯޓުގައި މަސައްކަތްކުރާ ދިވެހި ބަޓްލަރެއް ކަމަށް ތުހުމަތުކޮށް، ފަތުރުވެރިޔާ ވަނީ ޗައިނާގެ ސޯޝަލް މީޑިއާ ޕްލެޓްފޯމެއްގައި މެސެޖުތަކެއް ލިޔެފަ އެވެ.

ވަރަށް ތަފްސީލީ މައުލޫމާތާ އެކު އޭނާ ލިޔެފައިވާ ޕޯސްޓުގައިވާ ގޮތުން:

ރިސޯޓުގައި ހުއްޓާ ފެން އެޅިގެން އޭނާގެ ފޯނު ހަލާކުވި ކަމަށާއި ރިސޯޓުގެ އައިޓީ ޓީމަށް ފޯނު މަރާމާތު ނުކުރެވުމުން އޭނާއަށް ވަގުތީ ގޮތުން ބޭނުންކުރެވޭނެ ފޯނެއް ފޯރުކޮށްދިނުމަށް އެދުނު ކަމަށް އޭނާ ބުންޏެވެ.

ފޯނެއް ގެންނަން ޖެހޭނީ މާލެއިން ގަނެގެން ކަމަށް ރިސޯޓުން ބުނުމުން، އޭނާ ބަޓްލަރުގެ އެހީ ހޯދައި ބަޓްލަރުގެ ފޯނަށް އޭނާގެ ސިމް ލައްވައިގެން 'ވީޗެޓް' މެދުވެރިކޮށް އާއިލާއާ ވާހަކަދައްކާފައިވާ ކަމަށް ފަތުރުވެރިޔާގެ ޕޯސްޓުގައިވެ އެވެ.

ފަތުރުވެރިޔާ ބުނެފައިވާ ގޮތުގައި ބަޓްލަރު އޭނާ ރޭޕްކޮށްފައިވަނީ އޭނާ ދަތުރުކުރަމުން ދިޔައީ އެކަނިކަން ޔަގީންކުރަން އެކި ކަހަލަ ސުވާލުކުރުމަށް ފަހު، ގެސްޓަކާ މުވައްޒަފަކު އެ ގޮތަށް ވާހަކަދައްކަން ތިއްބާ ފެނިއްޖެ ނަމަ، ގޯސް ގޮތަކަށް މީހަކު ހީކޮށްފާނެ ކަމަށް ބުނެ، ދޮރުފޮތިތައް ދެމުމަށް ފަހު އެވެ.

އެ އަމަލަށް ފަހު، ވަގުތުން މައްސަލަ ހުށަހެޅުމަށް އޭނާގެ ކޮޓަރީގައި ހުރި ފޯނު މެދުވެރިކޮށް ފުލުހުންނަށް ގުޅަން މަސައްކަތް ކުރި ކަމަށް ފަތުރުވެރިޔާ ބުންޏެވެ. ނަމަވެސް، އެ ފޯނު މެދުވެރިކޮށް ނުގުޅުމުން އޭނާ ނުކުތީ ފްރަންޓް ޑެސްކަށް ގޮސް ފުލުހުންނަށް ގުޅާށެވެ.

ފަތުރުވެރިޔާ ބުނި ގޮތުގައި، އެ މައްސަލަ ރިޕޯޓުކުރުމަށް:

އެ މައްސަލައިގެ ބައެއް ލިޔެކިޔުންތައް ވެސް ފަތުރުވެރިޔާ ވަނީ ސޯޝަލް މީޑިއާގައި ހިއްސާކޮށްފަ އެވެ. އޭގެ ތެރޭގައި:

ފަތުރުވެރިޔާ ބުނި ގޮތުގައި، މައްސަލަ ހުށަހަޅަން ބޭނުންވާ އިޖުރާއަތްތައް ފުރިހަމަކުރުމަށް ފަހު، އޭނާ ރާއްޖެއިން ފުރައިގެން ގޮސްފައިވަނީ މި މަހުގެ 13ގަ އެވެ.

އެ މައްސަލައިގައި ރިސޯޓުގެ ފަރާތުން އަމަލުކުރި ގޮތާ މެދު ފަތުރުވެރިޔާގެ ޕޯސްޓުގައި ހިތްހަމަނުޖެހުން ފާޅުކޮށްފައިވެ އެވެ. އެ ގޮތުން އޭނާ ބުނި ގޮތުގައި:

މިކަމާ ބެހޭ ގޮތުން ރިޒް ކާލްޓަންގެ ބަހެއް ހޯދަން 'ދައުރު'ން މަސައްކަތްކުރި ނަމަވެސް، މިހާތަނަށް އެ ރިސޯޓުން ޖަވާބެއް ލިބިފައެއް ނުވެ އެވެ.

އެނގުން މުހިންމު - ރޭޕް ކުރުމަކީ ގާނޫނީ ގޮތުން ބޮޑު ކުށެކެެވެ. ރޭޕްގެ ކުށް ސާބިތުވެއްޖެ ނަމަ ކަނޑައަޅާފައިވާ އަދަބަކީ 15 އަހަރާއި 20 އަހަރާ ދެމެދުގެ މުއްދަތަކަށް ޖަލަށް ލުމެވެ. އެ އަމަލު ހިންގީ ނުރައްކާތެރި ހަތިޔާރެއް ބޭނުންކޮށްގެން ކަމަށްވާ ނަމަ، އެ މުއްދަތު 25 އަހަރަށް ވެސް އިތުރުކުރެވިދާނެ އެވެ.