މިއަހަރުގެ ރިޔާސީ އިންތިހާބުގައި ވޯޓް ލެވޭ މީހުންގެ ލިސްޓް އާންމުކޮށް، ޝަކުވާއަށް ހުޅުވާލައިފި

އަންނަ ސެޕްޓެމްބަރު މަހު ބާއްވާ ރިޔާސީ އިންތިހާބުގައި ވޯޓުލުމުގެ ހައްގު ލިބޭ މީހުންގެ ލިސްޓް އިލެކްޝަންސް ކޮމިޝަން (އީސީ) އިން މިއަދު އާއްމުކޮށް، ޝަކުވާއަށް ހުޅުވާލައިފި އެވެ.

ސެޕްޓެމްބަރު މަހު 9 ވަނަ ދުވަހު ބާއްވާ އިންތިހާބުގައި ވޯޓް ލުމުގެ ހައްގު ލިބިގެންވާ މީހުންގެ އަދަދަކީ 282،672 އެވެ.

ވީ ކިހިނެއް؟ - އިލެކްޝަންސް ކޮމިޝަނުން ސަރުކާރުގެ ގެޒެޓްގައި މިއަދު ޝާއިއު ކުރި ވޯޓާލާ މީހުންގެ ދާއިމީ ލިސްޓަށް ޝަކުވާ ހުށަހެޅޭނީ މިއަދުން ފެށިގެން މި މަހު 22 ވަނަ ދުވަހުގެ ނިޔަލަށެވެ.

ތަފްސީލް - އެ ލިސްޓްގައިވާ ގޮތުން ސެޕްޓެމްބަރު 9 އަށް 18 އަހަރު ފުރިގެން ވޯޓުލުމުގެ ހައްގު ލިބެނީ، 282،672 މީހުން ނަށެވެ. 

‏ބުނީ ކީކޭ؟ އީސީގެ ނައިބު ރައީސް އިސްމާއިލް ހަބީބު މިއަދު ވަނީ، ވޯޓުލާމީހުންގެ ލިސްޓުގައި ނަން އޮތްތޯ ނުވަތަ ނަން އޮތީ ރަނގަޅަށްތޯ ޗެކް ކުރުމަށް އިލްތިމާސްކުރައްވައިފަ އެވެ. ހަބީބު ވިދާޅުވީ އެކަމަކީ ވޯޓުލާ މީހުންގެ ސައްހަ ލިސްޓެއް ތައްޔާރުކުރުމަށްޓަކައި، ޕާޓީތަކުންނާއި ކެނޑިޑޭޓުންނާއި ފަރުދީގޮތުން ވެސް ކުރަން މުހިންމު ކަމެއް ކަމަށެވެ.

‏އަދި ވިދާޅުވީ 1414 އަށް ގުޅައިގެން ނުވަތަ އެސްއެމްއެސްއެއް ފޮނުއްވައިގެން ވެސް މައުލޫމާތު ޗެކް ކޮށްލެއްވޭނެ ކަމަށެވެ. 

މިދިޔަ މެއި މަސްތެރޭ ވަގުތީ ލިސްޓު އާންމުކުރި އިރު ވޯޓުލުމުގެ ހައްގުލިބޭ ކަމަށް ދައްކަނީ 280،000 އެއްހާ މީހުންނަށެވެ.

އޭގެ ތެރެއިން: