މުހައްމަދު މޫސާ ތުނބަފުށީގައި މިއަދު ރައީސް ސޯލިހަށް 'އިބޫ 23' ޖެހި ޖޯޒީއެއް އަރުވަނީ.
ރައީސް ސޯލިހަށް ޗަމްޕާ ގިރިން މުހައްމަދު މޫސާގެ ރޯދަވީއްލުމެއް
ރިޔާސީ އިިންތިހާބު ބޯމަތިވެފައި އޮއްވާ ރައީސް އިބްރާހިމް މުހައްމަދު ސޯލިހު، ރާއްޖޭގެ އެންމެ ނުފޫޒުގަދަ އެއް ވިޔަފާރިވެރިޔާ މުހައްމަދު މޫސާ (އުއްޗު)އާ މިއަދު ބައްދަލުކުރައްވައިފި އެވެ.
ވީ ކިހިނެއް؟ - އެ ދެ ބޭފުޅުން ބައްދަލުކުރެއްވީ މަސްވެރިކަމާއި ދަނޑުވެރިކަމަށް މުހައްމަދު މޫސާ އަށް ދޫކޮށްފައި އޮންނަ ކ. ތުނބަފުށި ނުވަތަ ޗަމްޕާ ގިރީގަ އެވެ. މުހައްމަދު މޫސާގެ ދެކަނބަލުން ވަނީ، ރައީސް ސޯލިހު އަށާއި ފަސްޓް ލޭޑީ ފަޒުނާ އަހުމަދަށް ރޯދަވީއްލުމެއް ދެއްވައިފަ އެވެ.
ފާހަގަކޮށްލެވޭ ކަމެއް - 'އިބޫ 23' ޖެހި ޖޯޒީއެއް މި ބައްދަލުވުމުގައި ރައީސް ސޯލިހަށް މުހައްމަދު މޫސާ އެރުވި އެވެ. އެކަމަކު މިކަމާ ގުޅޭ ތަފްސީލެއް ރައީސް ސޯލިހުގެ ފަރާތުން އަދި ހާމައެއް ނުކުރެ އެވެ.
އެނގުން މުހިއްމު - މި ބައްދަލުވުމުގެ ކުރިން، ރައީސް ސޯލިހުގެ މަންދޫބުންތަކެއް ދާދި ފަހުން މުހައްމަދު މޫސާއާ ބައްދަލުކުރެއްވި އެވެ.
ރައީސްގެ އަރިހުގައި ޑިފެންސް މިނިސްޓަރު މާރިޔާ އަހްމަދު ދިދީ އާއި އެޑިއުކޭޝަން މިނިސްޓަރު ޑރ. އައިޝަތު އަލީ އާއި އެހެން ބައެއް އަރިސް ބޭފުޅުން ވެސް މިއަދު ޗަމްޕާ ގިރިއަށް ވަޑައިގެންނެވި އެވެ.
ކޮމެންޓް (2)
ފަތްތޫރަ
ފަތްތޫރަ