އީސީ ދަފްތަރުގައި އަމްޖަދުގެ ނަން އޮތީ އެމްޑީޕީގައި، ނަން އުނިކުރީ ޕްރައިމަރީ ބާތިލުކުރަން ހުށަހެޅި ފަހުން: ވަކީލު

• އެ ޕާޓީން އުސޫލާ ހިލާފަށް 39،000 މެންބަރުން ވަކިކޮށްފައިވާ ކަމަށް

• އެހެންވެ، އެ މެންބަރުންނަށް ވޯޓު ދިނުމުގެ ހައްގު ނުލިބި ބާއްވާ ޕްރައިމަރީއެއް ސައްހަ ނުވާނެ ކަމަށް

• އެ މައްސަލަ ބަލައި ނިމެންދެން އެމްޑީޕީގެ ރިޔާސީ ޓިކެޓަށް އަމަލުކުރުން ފަސް ކުރުމުގެ ވަގުތީ އަމުރަކަށް ވެސް ކޯޓުގައި އެދިފައިވޭ

• އަމްޖަދަކީ އެމްޑީޕީ މެމްބަރެއް ނޫންކަމަށް ބުނުމާއި އެހެންވެ އޭނާއަކީ ދައުވާ އުފުލުމުގެ ގާނޫނީ ހައިސިއްޔަތު އޮތް ފަރާތެއް ނޫންކަމަށް

• މައްސަލައެއް ހައްލުކުރުމަށް ވަކި އިންތިޒާމެއް ކަނޑައަޅާފައިވާނަމަ ކޯޓަށް އެމައްސަލައެއް ހުށަހެޅުމުގެ ކުރިން އެއިންތިޒާމަކަށް އަމަލުކޮށް ނިމިފައި އޮންނަންޖެހޭ ނަމަވެސް އަމަޖަދުގެ ފަރާތުން އެކަން ފުރިހަމަކޮށްފައި ނުވާކަމަށް

• އަމްޖަދަކީ އެމްޑީޕީގެ މެންބަރެއް ނޫންކަމަށް ބުނާ ބުނުން ސާބިތުކުރުމަށް އެފަރާތުން ހުށަހަޅާފައިވާ އިލެކްޝަންސް ކޮމިޝަނުގެ ސިޓީ

• އެމްޑީޕީގެ ޗެއާޕާސަން ހޮވުމަށް 14 މެއި 2022ގައި ބޭއްވި އެމްޑީޕީގެ އެތެރޭގެ އިންތިހާބުގައި ވޯޓުލުމުގެ ހައްގު އަމްޖަދަށް ޕާޓީން ލިބިދީފައިވީ ނަމަވެސް ދައުވާކުރާފަރާތަކީ ޕާޓީގެ މެންބަރުކަމުގެ ގާނޫނީ ހައިސިއްޔަތު ލިބިދީފައިވާ މީހެއްކަމަށް ބެލެވެން ނެތްކަމަށް އެމްޑީޕީއިން ބުނާބުނުން

• ސިޔާސީ ޕާޓިގެ މެންބަރެއްގެ ހައްގަކާ ގުޅޭ މައްސަލައެއް ހުށަހެޅޭ ހިނދު އެމައްސަލަ ހުށަހަޅާ ފަރާތަކީ އެޕާޓީގެ މެންބަރަކަށް ނުވާނަމަ އެދައުވާ ހުށަހެޅުމުގެ ގާނޫނީ ހައިސިއްޔަތު އެފަރާތަކަށް ލިބިގެންނުވާނޭ ކަމަށް ބުނާ ބުނުން

އަމްޖަދުގެ ރައްދު

• އީސީގެ ރެކޯޑުގައި އޭނާއަކީ އެމްޑީޕީ މެމްބަރެއް ކަން ފެންނަން އޮއްވައި އެއީ 'އިދާރީ ކުށެއް' ކަމަށް އެރެކޯޑުގައި ބަޔާންކޮށްފައިވަނީ މިދިޔަ މަހުގެ 22ގައި؛ އެއީ އެމްޑީޕީ ޕްރައިމަރީ ބާތިލުކުރަން ހުށަހެޅިތާ 7 ދުވަސް ފަހުން

• އީސީން ބަލަހައްޓާ ދަފްތަރުން 'އިދާރީ ކުށުން' މީހުންގެ ނަން އުނިވެ، ގެއްލި، އެކުވެ، ބަދަލުވުން ބަލަންޖެހޭނީ ސުވާލާއި ޖަވާބުދާރީކުރުމުގެ ނަޒަރިއްޔާތަކުންކަން

• ދައުވާ ހުށަހެޅިއިރު އިލެކްޝަން ކޮމިޝަންގެ ރެކޯޑުގައި އަމްޖަދުގެ ނަން އެމްޑީޕީގެ މެންބަރެއްގެ ގޮތުގައި އޮތީ އެކޮމިޝަންގެ 'އިދާރީ ކުށުން' ކަމުގައި އެކޮމިޝަނުން ބުނާ ހިސާބުން އެކޮމިޝަނުގެ ކްރެޑިބިލިޓީ އާމެދު ސުވާލު އުފެދޭކަން

• އެއްވެސް މިންވަރަކަށް ޝައްކެއް އުފެދިއްޖެ ނަމަ އެޝައްކުގެ ފައިދާ (ބެނެފިޓް އޮފް ޑައުޓް) ދޭންޖެހެނީ 'އިދާރީ ކުށް' ނުޖެހި ހުރި މައުސޫމް ފަރާތަށް ކަމަށް؛ އެއީ އަމްޖަދަށް ކަމަށް

• 'އެމްޑީޕީގެ އިންތިހާބުތަކާބެހޭ ގަވާއިދު' ބުނާގޮތުން 'އެމްޑީޕީގެ އެތެރޭގެ އިންތިހާބުތަކުގައި ވޯޓުލުމުގެ ހައްގު ލިބިގެންވަނީ ހަމައެކަނި އެމްޑީޕީގެ މެންބަރުންނަށް ކަން އެނގެން އޮތުން

• އެމްޑީޕީގެ ޗެއަޕާސަން ހޮވުމަށް 14 މެއި 2022ގައި ބޭއްވި އެތެރޭގެ އިންތިހާބާ ގުޅިގެން އެމްޑީޕީއިން އާއްމުކުރި އެޕާޓީގެ މެންބަރުންގެ ވޯޓާސް ލިސްޓުގައި އަމްޖަދުގެ ނަން އޮތްކަން

• އެ އިންތިހާބުގައި ވޯޓު އެޅުމުގެ ހައްގު ލިބިގެންވާ ކަމަށް ޕާޓީން އާންމުކުރި ލިސްޓުގައި އަމްޖަދުގެ ނަން ހިމެނޭކަން  

• އެހެންވެ، އަމްޖަދަކީ ޕާޓީގެ މެންބަރުކަމުގެ ހައިސިއްޔަތު އޮތް މީހެއްކަމަށް ބެލެވެން ނެތްކަމަށް އެމްޑީޕީން ބުނިނަމަވެސް، އެއީ ސައްހަ ވާހަކައެއް ނޫންކަން