އިންތިހާބުތަކުގައި މީޑިއާގެ ދައުރު ހަނިކުރަން އުޅޭތީ ޖަމިއްޔާތަކުން ކަންބޮޑުވުން ފާޅުކޮށްފި

41 ވަނަ މާއްދާގެ (ހ)

• ގާނޫނުގައި މިހާރު އޮންނަ ގޮތް - ވޯޓު ނަގާ ދުވަހު ވޯޓުލުމުގެ ކަންތައްތައް ރިޕޯޓަރުންގެ ހައިސިއްޔަތުން މޮނީޓާކުރުމަށްޓަކައި ވޯޓުލާ ސަރަހައްދުތަކުގަ އާއި ވޯޓު ގުނާ ތަންތަނުގައި ހަރަކާތްތެރިވެވޭނީ މި ގާނޫނުގެ ދަށުން އެ ކަމަށް އިލެކްޝަންސް ކޮމިޝަނުން ހުއްދަ ދޭ ރިޕޯޓަރުންނަށް

• އިސްލާހު ހުށަހަޅާފައިވާ ގޮތް - ވޯޓު ނަގާ ދުވަހު ވޯޓުލުމުގެ ކަންތައްތައް މޮނީޓާކުރުމަށްޓަކައި ވޯޓުލާ ސަރަހައްދުތަކުގަ އާއި ވޯޓު ގުނާ ތަންތަނުގައި ހަރަކާތްތެރިވެވޭނީ މި ގާނޫނުގެ ދަށުން އެ ކަމަށް ހުއްދަ ދޭ، ރަޖިސްޓްރީކޮށްފައިވާ ނޫސްވެރިންނަށް

41 ވަނަ މާއްދާގެ (ށ)

• ގާނޫނުގައި މިހާރު އޮންނަ ގޮތް - ވޯޓު ނަގާ ދުވަހުގެ ކުރިން އެ ރަށެއްގައި ނުވަތަ އެ ސަރަހައްދެއްގައި ނުވަތަ އެ ތަނެއްގައި މޮނީޓަރުންގެ ގޮތުގައި ހަރަކާތްތެރިވުމުގެ ހުއްދަ ހޯދުމަށް އެދި ހުށަހަޅާ، ރަޖިސްޓްރީކޮށްފައިވާ ނޫސް، މަޖައްލާ އަދި ހަބަރުފަތުރާ ކޮންމެ އިދާރާއަކުން ވޯޓުލާ އަދި ވޯޓު ގުނާ ކޮންމެ ސަރަހައްދަކަށް އެކަކަށް ވުރެ އިތުރު ނުވާ ގޮތަށް އިލެކްޝަންސް ކޮމިޝަނުން ހުއްދަ ދޫކުރަންވާނެ

• އިސްލާހުކުރަން ހުށަހަޅާފައިވާ ގޮތް: ވޯޓު ނަގާ ދުވަހުގެ 10 ދުވަސް ކުރިން އެ ރަށެއްގައި ނުވަތަ އެ ސަރަހައްދެއްގައި ނުވަތަ އެ ތަނެއްގައި މޮނީޓަރުންގެ ގޮތުގައި ހަރަކާތްތެރިވުމުގެ ހުއްދަ ހޯދުމަށް އެދި ހުށަހަޅާ، ރަޖިސްޓްރީކޮށްފައިވާ ނޫސްވެރިންނަށް ވޯޓުލާ އަދި ވޯޓު ގުނާ ކޮންމެ ސަރަހައްދަކަށް ވަނުމުގެ ހުއްދަ، ތަފާތުކުރުމަކާ ނުލައި މި ގާނޫނުގެ ދަށުން ހަދާ ގަވާއިދުގައި ބަޔާންކުރާ އަދަދަކަށް އިލެކްޝަންސް ކޮމިޝަނުން ދޭންވާނެ

• މި އަހަރުގެ ރިޔާސީ އިންތިހާބާއި ދެން ވެސް ހުރި އިންތިހާބުތައް ކަވަރުކުރުމަށް ޝައުގުވެރިވާ ރާއްޖެއިން ބޭރުގެ މީޑިއާ އައުޓްލެޓްތަކާއި ނޫސްވެރިންނަށް އެ ފުރުސަތު ގެއްލޭނެ

• ރާއްޖޭގައި ހަރަކާތްތެރިވާ ފްރީލާންސް ނޫސްވެރިންނަށް ވެސް އެ ފުރުސަތު ގެއްލިގެން ދާނެ
  

• އިލެކްޝަންސް ކޮމިޝަން، ސަރުކާރު އަދި މަޖިލީހުން އިންތިހާބުތަކާ ބެހޭ ގާނޫނުތަކަށް އިސްލާހު ގެނައުމަށް ކުރެވޭ މަސައްކަތަކީ އިންތިހާބުތަކުގެ ސައްހަކަން ކަށަވަރުކުރުމަށް މަސައްކަތްކުރާ މަދަނީ ޖަމިއްޔާތަކާއި މީޑިއާ އަދި އެހެން ވެސް ކަމާ ބެހޭ ފަރާތްތަކުގެ މަޝްވަރާ އާއި ބައިވެރުމާ އެކު ގެނެވޭ އިސްލާހުތަކަކަށް ހެދުން

• ރާއްޖޭގެ މީޑިއާތައް ހިންގާ ގޮތާއި މި ދާއިރާގައި ހުރި ގޮންޖެހުންތަކަށް ރިއާޔަތްކޮށް، ވީހާ ވެސް ބޮޑަކަށް މީޑިއާގެ ބައިވެރިވުމާއި ނޫސްވެރިންނާއި ރިޕޯޓަރުންނަށް އާންމު އިންތިހާބުތައް މޮނީޓަކުރުމުގެ ފުރުސަތު ފަހިވާނެ ގޮތްތައް ކަށަވަރުކުރުން

• ބައިނަލްއަގްވާމީ ގޮތުން ބަލައިގަނެވޭ އެންމެ ރަނގަޅު އުސޫލުތަކާއި މިންގަނޑުތަކަށް ފެތޭ އިސްލާހުތަކެއްކަން ކަށަވަރުކުރުން

• ބޭރުގެ މީޑިއާތަކަށާއި ފްރީލާންސް ނޫސްވެރިންނަށް ވެސް އިންތިހާބު ކަވަރުކުރުމުގެ ފަހި ފުރުސަތު މިހާރެކޭ ވެސް އެއްގޮތަށް އެ ގޮތުގައި ދިނުން