އުރީދޫ، ވިމެން އިން ޓެކް އަދި ފުލުހުން ގުޅިގެން ހއ. އުލިގަމުގެ ދަރިވަރުންނަށް މިދިޔަ އަހަރު ބޭއްވި ސައިބާ ރައްކާ ސެޝަނެއް. (ފޮޓޯ/އުރީދޫ)
އިންޓަނެޓް ބޭނުންކުރާނެ ރައްކާތެރި ގޮތް ކިޔައިދޭން އުރީދޫއިން 'ސައިބާ ރައްކާ'
އިންޓަނެޓު ބޭނުންކުރާނެ ރައްކާތެރި ގޮތްތައް ކިޔައިދިނުމާއި ސްކޭމްތަކުން ރައްކާތެރިވާނެ ގޮތް ކިޔައިދޭ އުރީދޫގެ 'ސައިބާ ރައްކާ'ގެ މި އަހަރުގެ ފުރަތަމަ ސެޝަން އަންނަ ހޮނިހިރު ދުވަހު ބާއްވަން ތައްޔާރުވެއްޖެ އެވެ.
ތަފްސީލު - 'ސައިބާ ރައްކާ' އަކީ 2021 އިން ފެށިގެން އުރީދޫ އާއި 'ވިމެން އިން ޓެކް'އާ ގުޅިގެން ބާއްވަމުން އަންނަ ސެޝަންތަކެކެވެ.
'ސައިބާ ރައްކާ'ގެ މި އަހަރުގެ ފުރަތަމަ ސެޝަން އޮންނާނީ އަންނަ ހޮނިހިރު ދުވަހުގެ ރޭ 8:30އިން 10އަށް، އުރީދޫ ހެޑް އޮފީސް ހުންނަ ހ. ސަންލީޓު އިމާރާތުގެ ފުރަތަމަ ފަންގިފިލާގަ އެވެ.
އެ ސެޝަންގައި 'ވިމެން އިން ޓެކް' އިން މައުލޫމާތު ދޭނެ މައުލޫތަކަކީ:
-
ރައްކާތެރިކަމާ އެކު އިންޓަނެޓް ބޭނުންކުރަން ކުރެވިދާނެ ކުދިކުދި ކަންތައްތައް
-
ޝަހުސު އޮޅުވާލުން ފަދަ ކަންކަމުން ރައްކާތެރިވާނެ ގޮތް
-
މާލީ އެކައުންޓްތައް ބެލެހެއްޓުމުގެ މުހިންމުކަން
-
ވަރުގަދަ ޕާސްވޯޑުތައް ޖަހާނެ ގޮތް
-
އޮންލައިން ޕްރައިވެސީ އާއި ސެކިއުރިޓީ އަކީ ކޮބައިކަން
-
ފިޝިން ސްކޭމްތައް ދެނެގަންނާނެ ގޮތާއި ސްކޭމްތަކުން ރައްކާތެރިވާނެ ގޮތް
އުރީދޫ
