ސަލްމާން މިސްކިތް ރަސްމީކޮށް ނުހުޅުވަނީ ސައުދީން ތާރީހެއް ނުދޭތީ: މިނިސްޓްރީ

ސައުދީ އަރަބިއްޔާގެ ހިލޭ އެހީގައި މާލޭ އާޓިފިޝަލް ބީޗުގައި ތަރައްގީކޮށްފައިވާ ކިންގް ސަލްމާން މިސްކިތް ރަސްމީކޮށް ނުހުޅުވައި ލަސްވަނީ ސައުދީ ސަރުކާރުން އެ ކަމަށް އަދި ތާރީހެއް ނުދޭތީ ކަމަށް އިސްލާމިކް މިނިސްޓަރު ޑރ. އަހުމަދު ޒާހިރު މިއަދު ވިދާޅުވެއްޖެ އެވެ.

ވީ ކިހިނެއް؟ - ސައުދީ ސަރުކާރުގެ އެހީގައި އެޅި ސަލްމާން މިސްކިތް އާއްމުންނަށް ހުޅުވާލީ މިދިޔަ އަހަރުގެ އޭޕްރީލްގަ އެވެ. އެ މިސްކިތުގައި ނަމާދު ކުރަން ފެށިތާ އަހަރެއްހާ ދުވަސް ވާން ކައިރިވެފައިވީ އިރު ވެސް އެ ތަން އަދި ރަސްމީކޮށް ހުޅުވާފައެއް ނުވެ އެވެ.

ބުނީ ކީކޭ؟ - އެކަމާ ގުޅިގެން ރައްޔިތުންގެ މަޖިލީހުގެ މިއަދުގެ ޖަލްސާގައި މިނިސްޓަރާ ކުރި ސުވާލަކަށް ޖަވާބުދެއްވަމުން ޒާހިރު ވިދާޅުވީ ސަލްމާން މިސްކިތް ރަސްމީކޮށް ހުޅުވުމުގެ މަސައްކަތް ކުރަމުންދާތާ ގިނަ ދުވަސްތަކެއް ވެފައިވާ ކަމަށެވެ. އެގޮތުން، އޭނާ ފާހަގަކުރެއްވި ގޮތުގައި:

"ސައުދީގެ ދީވާނުލް މަލަކިއްޔާއަށް މައްސަލަ ހުށަހަޅުއްވައި ޑޭޓެއް ލިބުނީމަ ދައުލަތަށް އަންގާނެ ކަމަށް ވިދާޅުވެފައި ވަޑައިގެންނެވީ. ދެން އޭގެ ފަހުން ވެސް އަޅުގަނޑުމެން މަސައްކަތް ކުރިން. އެކަމަކު އަދި އެއްވެސް ޑޭޓެއް ނުއެއް ލިބޭ ދެން ކޮން އިރަކު ކަމެއް ހުޅުވޭނީ،" މިނިސްޓަރު ވިދާޅުވި އެވެ.

އެނގުން މުހިންމު - މިދިޔަ ރޯދަ މަހު ނަމާދު ކުރަން ފެށި ސަލްމާން މިސްކިތް އިމާރާތް ކޮށްފައިވަނީ، އެ ތަނުގެ ބޭނުން ތަފާތު ގޮތް ގޮޮތަށް ހިފޭ ގޮތަށެވެ. އެގޮތުން، ބައްދަލުވުންތަކާއި ކޮންފަރެންސްތައް ބޭއްވޭ ގޮތަށް މިސްކިތުގެ ބައިތައް ހާއްސަކޮށްފައިވެ އެވެ.  

ހަ ފަންގިފިލާއަށް ހުންނަ އެ މިސްކިތަކީ: