ފަހި ދިރިއުޅުން ކޯޕަރޭޝަންގެ އޯޕަން ޑޭގެ ތެރެއިން. (ފޮޓޯ/ފަހި ދިރިއުޅުން)
ފަހި ދިރިއުޅުން ކޯޕަރޭޝަނުން 33 ވަޒީފާ؛ އޯޕަން ޑޭތަކެއް ބާއްވަނީ
ފަހި ދިރިއުޅުން ކޯޕަރޭޝަންގެ އެކި ދާއިރާތަކަށް ބޭނުންވާ ވުވައްޒަފުން ހޯދުމަށް މިއަދުން ފެށިގެން އަންނަ ބުދަ ދުވަހުގެ ނިޔަލަށް އޯޕަން ޑޭތަކެއް ބޭއްވުމަށް ނިންމައިފި އެވެ.
ވީ ކިހިނެއް؟ - އެ ތިން ދުވަހު ވެސް، ކޮންމެ ދުވަހެއްގެ ހެނދުނު 9 އިން މެންދުރު ފަހު 2އަށް ވޯކްއިން އިންޓަވިއު ކުރިއަށް ގެންދާނީ ޕޯސްޓް ބިލްޑިންޑުގެ ހަ ވަނަ ފަންގިފިލާގައި ހުންނަ ފަހި ދިރިއުޅުން ކޯޕަރޭޝަންގެ މައި އޮފީހުގަ އެވެ.
ތަފްސީލް - މި އަހަރުގެ އޯޕަން ޑޭގައި ޖުމްލަ 33 ފުރުސަތު ވަނީ ހުޅުވާލާފަ އެވެ.
އޭގެ ތެރޭގައި، ޕްރޮޖެކްޓް އަދި ޕްލޭނިންގެ ދާއިރާ އިން 21 ފުރުސަތު ހިމެނެ އެވެ. އެއީ:
-
އެއް ބިލްޑިން ސާވެޔާ
-
އެއް ސޭފްޓީ އޮފިސަރު
-
15 އެސިސްޓަންޓް ސައިޓް އިންޖިނިއަރުން
-
އެއް ބިލްޑިން ސާވިސަސް އިންޖިނިއަރު
-
ދެ އާކިޓެކްޓް
-
އެއް އެސިސްޓަންޓް އާކިޓެކްޓް
ފަހި ދިރިއުޅުން ކޯޕަރޭޝަނުން ހަތަރު ޕްރޮކިއުމަންޓް އޮފިސަރުންގެ އިތުރުން، އިންފޮމޭޝަން ޓެކްނޮލޮޖީގެ ދާއިރާ އިން ތިން ފުރުސަތު ވަނީ ހުޅުވާލާފަ އެވެ. އެއީ:
-
އެއް އައިޓީ ޓެކްނީޝަން
-
އެއް ސީނިއަ ޑިވެލޮޕަރު
-
އެއް އެސިސްޓަންޓް މެނޭޖަރު
ހަމަ އެއާ އެކު، ދެ ހިއުމަން ރިސޯސަސް އޮފިސަރުންގެ އިތުރުން، އެއް އެސިސްޓަންޓް އޮޕަރޭޝަންސް އޮފިސަރު އަދި އެއް އޮފީސް ކްލާކަށް ވެސް ވަނީ ފުރުސަތު ހުޅުވާލާފަ އެވެ. އެއާ އެކު، މާކެޓިން އޮފިސަރަކާއި ކޮންޓެންޓް ކްރިއޭޓަރެއް ވެސް އެ ކުންފުނިން ހޯދަ އެވެ.
މި ހަރަކާތުގައި:
-
މިއަދު ކުރިއަށް ގެންދާނީ - ހިއުމަން ރިސޯސަސް، އިންފޮމޭޝަން ޓެކްނޮލޮޖީ، އެޑްމިނިސްޓްރޭޝަން އަދި ޕްރޮކިއުމަންޓް ދާއިރާގެ ފުރުސަތުގެ އިންޓަވިއުތައް
-
މާދަމާ އަދި އޭގެ އަނެއް ދުވަހު ކުރިއަށް ގެންދާނީ - ޕްރޮޖެކްޓްސް އަދި ޕްލޭނިން ދާއިރާގެ އިތުރުން، މާކެޓިން ދާއިރާގެ އިންޓަވިއުތައް
އެނގުން މުހިންމު - ފަހި ދިރިއުޅުން ކޯޕަރޭޝަނަކީ ސަރުކާރުގެ ބޯހިޔާވަހިކަމުގެ މަޝްރޫއޫރުތަށް ކުރިއަށް ގެންދިއުމުގެ މަސައްކަތް ކުރާ ސަރުކާރު ކުންފުންޏެކެވެ. އެފްޑީސީގެ ދެ ޕްރޮޖެކްޓެއް ހުޅުމާލެ ފޭސް ދޭއްގައި ކުރިއަށް އެބަދެ އެވެ. އެއީ 4،000 ހައުސިން ޔުނިޓް އެޅުމުގެ މަޝްރޫއުތަކެކެވެ.