އައްޑޫ ހިތަދޫގެ ގޮނޑުދޮށް ހިމާޔަތްކުރާ މަޝްރޫއުގެ އަމަލީ މަސައްކަތް ފެށުން. (ފޮޓޯ/ޕްލޭނިން މިނިސްޓްރީ)
އައްޑޫ ހިތަދޫގެ ގޮނޑުދޮށް ހިމާޔަތްކުރުމުގެ މަޝްރޫއު ފަށައިފި
އައްޑޫ ހިތަދޫގެ ގޮނޑުދޮށް ހިމާޔަތްކުރުމުގެ މަޝްރޫއުގެ އަމަލީ މަސައްކަތް މިއަދު ފަށައިފި އެވެ.
ވީ ކިހިނެއް؟ - އައްޑޫގައި މިއަދު ބޭއްވި ރަސްމިއްޔާތެއްގައި އެ މަޝްރޫއުގެ އަމަލީ މަސައްކަތް ފައްޓަވައިދެއްވީ ޕްލޭނިން މިނިސްޓަރު މުހައްމަދު އަސްލަމް އެވެ.
ތަފްސީލު - އެ މަޝްރޫއުގެ ދަށުން:
-
ހިތަދޫގެ ހުޅަނގު ފަރާތުގައި 570 މީޓަރުގެ ސަރަހައްދުގެ ގޮނޑުދޮށް ހިމާޔަތްކުރާނެ
-
15×50 މީޓަރުގެ ސަރަހައްދެއް ފުންކުރާނެ
-
މޫދަށް އެރޭ ސަރަހައްދެއް ހަދާނެ
-
މޫދަށް އެރޭ ސަރަހައްދުގެ ބޭރުން، ބޮޑުހިލައިން 100 މީޓަރުގެ ބޭރުތޮއްޓެއް ލާނެ
އެނގުން މުހިންމު - މި މަޝްރޫއު އެމްޓީސީސީއާ ހަވާލުކޮށް، އެއްބަސްވުމުގައި ސޮއިކުރީ 25 ނޮވެމްބަރު 2021ގަ އެވެ. އެ ކުންފުންޏާ އެ މަޝްރޫއު ހަވާލުކުރީ 11.6 މިލިއަން ރުފިޔާގެ އަގަކަށް، 165 ދުވަހުގެ ތެރޭގައި ނިންމާ ގޮތަށެވެ.