ފުވައްމުލަކު ހޮސްޕިޓަލުގައި ފަރުވާދެމުންދިޔަ ކުއްޖަކު މަރުވެއްޖެ
ފުވައްމުލަކު ހޮސްޕިޓަލުގައި ފަރުވާ ދެމުންދިޔަ އުމުރުން ފަސް އަހަރުގެ ކުއްޖަކު މަރުވެއްޖެ އެވެ.
ވީ ކިހިނެއް؟ - އެ ހޮސްޕިޓަލުގެ މެނޭޖަރު އަހުމަދު ލިރާރު 'ދައުރު'އަށް މިރޭ ވިދާޅުވީ، އެ ހޮސްޕިޓަލުގައި ފަރުވާ ދެމުންދިޔަ އުމުރުން ފަސް އަހަރުގެ ކުއްޖަކު މިއަދު މަރުވެފައިވާ ކަމަށެވެ.
ސޯޝަލް މީޑިއާގައި އަޑު ފެތުރިފައި އޮތީ، ކުއްޖާ މަރުވީ ފަރުވާ ދިން އިރު ނުބައި އިންޖެކްޝަނެއް ދެވިގެން ކަމަށެވެ.
ބުނީ ކީކޭ؟ - އެ ކުއްޖާ މަރުވީ ދެވުނު އިންޖެކްޝަނެއްގެ ސަބަބުން ކަމަށް ބުނާ ވާހަކައާ ގުޅޭ ގޮތުން ސުވާލުކުރުމުން އޭނާ ވިދާޅުވީ، ކުއްޖާ މަރުވާން ދިމާވީ އެފަދަ ކަމެއް ދިމާވެގެން ކަމަށް ބުނަން ނޭނގޭ ކަމަށެވެ.
"ހޮސްޕިޓަލުގައި ފަރުވާ ދެމުންދިޔަ ކުއްޖަކު ވަނީ މަރުވެފައި. ކުއްޖާ މަރުވީ ނުބައި އިންޖެކްޝަނެއް ޖެހިގެން ކަމެއް ނޭނގެ. އެކަން އެގޮތަށް ހިނގާފައިވާނަމަ ފިޔަވަޅު އަޅާނަން،" ލިރާރު ވިދާޅުވި އެވެ.
ކުއްޖާގެ މަރާ ގުޅިގެން އިތުރު ވާހަކައެއް އެނާ ނުދައްކަވަ އެވެ.