އިންޑިއަން އައިޑަލްގެ 15 ވަނަ ސީޒަން ފަށައިފި

އިންޑިއާގެ މަޝްހޫރު ލަވަކިޔުމުގެ ރިއަލިޓީ ޝޯ ކަމަށްވާ'އިންޑިއަން އައިޑަލް'ގެ 15 ވަނަ ސީޒަން ފަށައިގެން ކުރިއަށް އެބަދެ އެވެ.

ޝޯގެ މި ސީޒަން ވެސް ހުށަހަޅައި ދެނީ އަދިތުޔާ ނާރަޔަން އެވެ.

މިފަހަރުގެ ޖަޖުންގެ ޕެނަލްގައި ހިމެނެނީ ބާދްޝާހްގެ އިތުރުން ޝްރެޔާ ގޯޝާލް އާއި ވިޝާލް ޑަދްލާނީ އެވެ.

އިންޑިއަން އައިޑަލް އަކީ ބޮލީވުޑްގައި މިހާރު ވިދަމުން އަންނަ ގިނަ ލަވަކިޔުންތެރިންތަކެއް އުފެއްދި ޝޯއެކެވެ. އޭގެ ތެރޭގައި އަބީޖީތު ސާވަންތު، ރިޝީ ސިންހް އަދި ސަލްމާން އަލީ ފަދަ ތަރިން ހިމެނެ އެވެ.

އިންޑިއަން އައިޑަލް ސީޒަން 15ގެ އާ އެޕިސޯޑުތައް ކޮންމެ ހޮނިހިރު އަދި އާދީއްތަ ދުވަހެއްގެ ރޭ 8:30 އިން ފެށިގެން މީޑިއާނެޓްގެ ސޮނީ އެންޓަޓެއިންމެންޓް ޓެލެވިޝަން ޗެނަލުން ދުރަށް ދައްކާނެ އެވެ.