ޝިލްޕާ ޝެޓީ
ޝިލްޕާ ޝެޓީގެ ގެއިން ވައްކަން ކުރި ދެ މީހަކު ހައްޔަރުކޮށްފި
ޝިޕްލާ ޝެޓީގެ ގެއިން ވައްކަން ކުރި ދެ މީހަކު ހައްޔަރުކޮށްފި އެވެ. ރިޕޯޓުތައް ބުނާގޮތުގައި އެ ގެއިން އަގުބޮޑު ތަކެތި ވަގަށް ނެގި އެވެ.
އޮފިޝަލުންނާ ހަވާލާދީ ޕީޓީއައި ނިއުސް އެޖެންސީއިން ބުނިގޮތުގައި މުމްބާއީގެ ޖޫހޫގައި ހުންނަ އެ ގެއިން ވައްކަން ކުރީ މިދިޔަ ހަފްތާގަ އެވެ. ޝިލްޕާ މިދިޔަ ހަފްތާގައި ޗުއްޓީ ހޭދަކުރުމަށް އިޓަލީގެ ޓަސްކަނީއަށް ގޮސްގެން އުޅޭކަން ހާމަކޮށް އިންސްޓަގްރާމްގައި ޕޯސްޓްކުރި އެވެ.
އޭނާގެ 48 ވަނަ އުފަންދުވަސް ފާހަގަކުރި އެ ދަތުރުގައި އުޅުނީ އާއިލާއާ އެކުގަ އެވެ.
ޝިލްޕާ މެދުކެނޑުމަކަށް ފަހު 'ހަންގާމާ 2' އިން އެނބުރި އައި ނަމަވެސް އެ ފިލްމު ބޮކްސް އޮފީހަކު ނުހިނގި އެވެ. އަދި އޭގެ ފަހުން އަބީމަންޔޫ ދަސާނީއާ އެކު އޭނާ ފެނުނު 'ނިކަންމާ' އަކަށް ވެސް ތަރުހީބެއް ނުލިބުނެވެ.
ޝިލްޕާ ދެން ފެންނާނީ ރޯހިތު ޝެޓީ ޑައިރެކްޓްކުރާ ވެބް ސީރީޒް 'އިންޑިއަން ޕޮލިސް ފޯސް' އިންނެވެ. އެއީ ޝިލްޕާގެ ފުރަތަމަ އޯޓީޓީ މަސައްކަތެވެ.