އަނުޝްކާ އާއި ވިރާޓު ރާއްޖޭގައި
އަނުޝްކާ ޝަރުމާ އާއި ވިރާޓު ކޯލީ ޗުއްޓީ އަށް ރާއްޖެ އަތުވެއްޖެ އެވެ.
ވިރާޓު ވަނީ ދެ މީހުން އެކުގައި ރާއްޖޭގެ ރިސޯޓެއްގެ ބީޗުގައި ކާން ތިއްބައި ނަގާފައިވާ ފޮޓޯއެއް އިންސްޓަގްރާމުގައި އާންމުކޮށްފަ އެވެ. ކެޕްޝަނުގައި ހަމައެކަނި ހިތެއް ޖަހާފައި ޕޯސްޓު ކުރި އެ ފޮޓޯގައި އެމީހުން ތިބީ ކޮން ތަނަކު ކަމެއް ނުބުނެ އެވެ. އެކަމަކު ފޮޓޯ އިން ފެންނަނީ ރާއްޖޭގެ ރިސޯޓެކެވެ.
އަނުޝްކާ އާއި ވިރާޓު ރާއްޖެ އައިސްފައިވަނީ ދަރިފުޅު ވަމީކާ ވެސް ގޮވައިގެންނެވެ. ފޮޓޯ އިން ވަމީކާ ނުފެނުނު ނަމަވެސް، އެ ކުއްޖާގެ ފެންފުޅި މޭޒުމަތީގައި ހުރިތަން ފެނެ އެވެ.
ވަމީކާގެ ދެވަނަ އުފަންދުވަސް މި މަހު 2ގައި ވަނީ ފާހަގަކޮށްފަ އެވެ. އޭނާގެ މޫނު ފެންނަ ފޮޓޯއެއް މިހާތަނަށް އަނުޝްކާ އަދި ވިރާޓު އާންމެއް ނުކުރެ އެވެ.
އެ ދެމަފިރިން މިދިޔަ ޖޫން މަހު ވެސް ރާއްޖެ އަށް ޗުއްޓީ ހޭދަކުރަން އަ އެވެ.
މި ދެ މީހުން ކައިވެނި ކުރީ 2018 ވަނަ އަހަރު އިޓަލީގަ އެވެ.