ސަލްމާން އަށް ޑެންގީ ޖެހި 'ބިގް ބޮސް' އަށް ކަރަން

މަގުބޫލު ރިއަލިޓީ ޝޯ 'ބިގް ބޮސް'ގެ ހޯސްޓު، ފިލްމީ ތަރި ސަލްމާން ހާން އަށް ޑެންގީ ހުން ޖެހި، ރޭގެ އެޕިސޯޑުގެ ހޯސްޓުގެ ގޮތުގައި ކަރަން ޖޯހަރު ފެނިއްޖެ އެވެ.

އަނެއް ބައި ރިޕޯޓުތައް ބުނާ ގޮތުގައި އެ އެޕިސޯޑުން ސަލްމާން ނުފެނުނީ އޭނާގެ އެހެން ބައެއް މަސައްކަތްތަކަށް ވަގުުތު ދޭން ޖެހުމުންނެވެ.

މީގެ ކުރިން ކަރަން ވަނީ 'ބިގް ބޮސް' އޯޓީޓީ ހޮސްޓު ކޮށްފަ އެވެ. ބައެއް ރިޕޯޓުތައް ބުނާގޮތުން ކުރިއަށް އޮތް ދެތިން އެޕިސޯޑުގެ ހޯސްޓުގެ ގޮތުގައި ކަރަން ފެންނާނެ އެވެ. އެކަމަކު މިރެއިން ފެށިގެން ސަލްމާން އަލުން ފެންނާނެ ކަމަށް ވެސް ބައެއް ނޫސްތަކުން ރިޕޯޓުކޮށްފައިވެ އެވެ.

ކަލާސް އިން ދައްކާ 'ބިގް ބޮސް'ގެ 16 ވަނަ ސީޒަންގެ ހުކުރު ދުވަހުގެ އެޕިސޯޑަކީ އަބަދުވެސް ވަރަށް ފޯރިގަދަ އެޕިސޯޑެކެވެ. ބައިވެރިންނާ އެކު ސަލްމާން ވަގުތު ހޭދަކޮށް އެމީހުން 'ރޯސްޓުކުރާ' ތަން ވެސް ހުކުރު ދުވަހުގެ އެޕިސޯޑުތަކުން ފެނެ އެވެ. މީގެ އިތުރުން ފިލްމު ޕްރޮމޯޓު ކުރަން ފިލްމީ ތަރިންނަށް ފުރުސަތު ދެނީ ވެސް ހުކުރު ދުވަހުގެ އެޕިސޯޑުގަ އެވެ.

'ބިގް ބޮސް'ގެ 16 ވަނަ ސީޒަން ދައްކަން ފެށީ މި މަހުގެ 2 ވަނަ ދުވަހު އެވެ.