ގޭގައި ހުރެގެން ހެދޭ ޑަޔަލިސިސްގެ ފަރުވާ ޓްރީޓޮޕުން ފަށަނީ

ކުޑަކަމުދާނިޒާމުގެ ބަލިތަކާއި ޔޫރޮލޮޖީ ޓްރާންސްޕްލާންޓް އަދި ޕެރިޓޯނިއެލް ޑަޔަލިސިސް (ގޭގައި ހުރެގެން ހެދޭ ޑަޔަލިސިސް) ފަރުވާގެ މާހިރެއް ކަމަށްވާ ޑރ. އިވާން ނެރެޓްޔަކް ޓްރީޓޮޕް ހޮސްޕިޓަލަށް ޒިޔާރަތެއްކޮށް ބަލި މީހުން ބަލައި އެ ފަރުވާ ތައާރަފްކުރަން އެ ހޮސްޕިޓަލުން ނިންމައިފި އެވެ.

ވީ ކިހިނެއް؟ - އެކަމާ ގުޅޭގޮތުން ޓްރީޓޮޕުން ބުނީ މި މަހު 25 އިން 28 އަށް ޑރ. އިވާން އެ ހޮސްޕިޓަލުގައި ބަލި މީހުން ބަލާނެ ކަމަށެވެ.

ތަފްސީލް - ޓްރީޓޮޕް ހޮސްޕިޓަލުން ބުނީ މިފަރުވާ ތަޢާރަފް ކުރުމުގެ ގޮތުން ޑރ. އިވާން އާއި އެ ހޮސްޕިޓަލްގެ ނެފްރޮލޮޖީ ޓީމުން ޑަޔަލިސިސް ފަރުވާ ހޯދާ ފަރާތްތަކަށް މައުލޫމާތު ފޯރުކޮށްދިނުމަށް ނިންމާފައިވާ ކަމަށެވެ. އަދި އޭގެ އިތުރުން: 

ޕެރިޓޯނިއެލް ޑަޔަލިސިސް ހިދުމަތަކީ ކޮބާ؟ 

 ޕެރިޓޯނިއެލް ޑަޔަލިސިސް އަކީ ބަނޑުގައި ހުންނަ "ޕެރިޓޯނިއެލް ލައިނިންގް" ކިޔާ ފަށަލައިގެ ބޭނުންހިފައިގެން ފަސޭހައިން ހޮސްޕިޓަލަށް ނައިސް ހޯދޭ ޑަޔަލިސިސް ފަރުވާއެކެވެ. މިގޮތުން:

 އެކަމުގެ ސަބަބުން ހޮސްޕިޓަލަށް ދިއުމަށް ހޭދަވާ ހަރަދާއި ވަގުތު ކުޑަކުރެވެ އެވެ. ހާއްސަކޮށް ރާއްޖޭގެ އެކި ރަށްތަކުގައި ދިރިއުޅޭ ޑަޔަލިސިސް ފަރުވާ ހޯދާ ފަރާތްތަކަށް މީގެ ސަބަބުން ވަރަށް ބޮޑު ލުޔެއް ލިބިގެންދާނެ އެވެ.

ޓްރީޓޮޕް ހޮސްޕިޓަލުން ބުނީ ޕެރިޓޯނިއެލް ޑަޔަލިސިސް ހެދުމަށް ބޭނުންވާ ފަރާތްތަކުން ހިލޭ ކައުންސެލިންގްއަށް ޓްރީ ޓޮޕް ހޮސްޕިޓަލުގެ ކޯލް ސެންޓަރު 3351610 އަށް ގުޅައިގެން ނުވަތަ care@treetophospital.com އަށް އީމެއިލް ކޮށްގެން ރަޖިސްޓްރީ ކުރެވޭނެ ކަމަށެވެ. އަދި އޭގެ އިތުރުން:

ފާހަގަކޮށްލެވޭ - މިހާތަނަށް ރާއްޖޭގައި ކިޑްނީ ފެއިލްވެފައިވާ ބަލިމީހުންނަށް ލިބެން އޮތީ ހަމައެކަނި ހީމޯޑަޔަލިސިސް ފަރުވާ އެވެ. މިއީ ވަކި ހާއްސަ ތަނެއްގައި، ނުވަތަ ހޮސްޕިޓަލުގައި ކުރަންޖެހޭ ފަރުވާއެކެވެ އެވެ.