ވިލާ ސިމެންތި ބަސްތާއަކުން 25ރ. ބޮޑުކޮށްފި

ވިލާ ހަކަތައިން ވިއްކާ ވިލާ ސިމެންތި ބަސްތާއަކުން 25ރ. ބޮޑުކޮށްފި އެވެ. 

ވީ ކިހިނެއް؟ - ވިލާ ހަކަތައިން ބުނީ މި ހަފްތާއިން ފެށިގެން އެ ކުންފުނިން ސިމެންތި ބަސްތާއެއް ވިއްކަމުން ދަނީ ޖީއެސްޓީއާ އެކު 140ރ.އަށް ކަމަށެވެ. މީގެ ކުރިން ޖީއެސްޓީއާ އެކު ސިމެންތި ބަސްތާއެއް ވިއްކީ 115ރ. އަށެވެ. 

ތަފްސީލް - ވިލާ ހަކަތައިން ވާހަކަ ދެއްކެވި އޮފިޝަލަކު ވިދާޅުވީ ސިމެންތީގެ އަގު ބޮޑުކުރަން ޖެހުނީ ޑޮލަރު ލިބުން ދަތިވުމާއި ޑޮލަރު ގަންނަން ލިބޭ އަގު ބޮޑުވުމުން ކަމަށެވެ. އަދި ހޯލް ސޭލް ކުރާ އަގަކީ ވެސް މިވަގުތު އެއީ ކަމަށް ވެސް ވިލާއިން ބުންޏެވެ. 

"މި ޝިޕްމަންޓުން ފެށިގެން މި އަގުބޮޑުކުރީ. އެއީ ބޮޑަށް ޑޮލަރުގެ މައްސަލަ އުޅޭތީ،" އޮފިޝަލް ވިދާޅުވި އެވެ. 

ވިލާ ސިމެންތި އަގުބޮޑުކުރި ނަމަވެސް އެހެން ސަޕްލަޔަރުން ވިއްކާ ސިމެންތީގެ އަގު އަދި ބޮޑުކޮށްފައެއް ނުވެ އެވެ.