އުރީދޫއިން މާދަމާ ރޭ އައިފޯން 16 ސީރީޒް ޕްރީއޯޑަރަށް ހުޅުވާލަނީ

އެޕަލްއިން އެންމެ ފަހުން ނެރުނު އައިފޯން 16 ސީރީޒްގެ ފޯނުތައް މާދަމާ ރޭ ޕްރީއޯޑާ ކުރުމުގެ ފުރުސަތު ހުޅުވާލާނެ ކަމަށް އުރީދޫއިން ބުނެފި އެވެ.

ވީ ކިހިނެއް؟ - އުރީދޫއިން ބުނީ އެންމެ ފަހުގެ އައިފޯންތައް، މާދަމާ ރޭ ދަންވަރު 12 ޖަހާއިރު ޕްރީއޯޑަރަށް ހުޅުވާލާނެ ކަމަށެވެ

އުރީދޫގެ ވެބްސައިޓުގައިވާ މިކަމަށް ހާއްސަ ޕޭޖު މެދުވެރިކޮށް ޕްރީއޯޑަރަށް ހުޅުވާލާނެ ވަގުތު ބަލައިލެވޭނެ އެވެ.

އައިފޯން 16 އަދި 16 ޕްލަސްއަކީ މުޅިން އާ އޭ18 ޗިޕް ހިމަނައިގެން އުފައްދާފައިވާ، ކެމެރާ ކޮންޓްރޯލް، ކެމެރާ ސިސްޓަމަށް އީޖާދީ އަޕްގްރޭޑްތައް އަދި އެކްޝަން ބަޓަން ބޭނުންކޮށްގެން ބޭނުންތެރި ކަންކަން ފަސޭހައިން ކުރެވޭ ފީޗާއަކާއި ބެޓަރީ ލައިފް އިތުރަށް ރަނގަޅުކޮށްފައިވާ މޮޑެލްތަކެކެވެ.

އައިފޯން 16 ޕްރޯ އަދި 16 ޕްރޯ މެކްސްގައި ހިމެނެނީ އޭ18 ޕްރޯ ޗިޕެކެވެ. މި ޗިޕުގެ އެހީގައި މި އިންޑަސްޓްރީގެ އެންމެ ކުރިއަރާފައިވާ ސީޕީޔޫ ޕާފޮމެންސް، ބޮޑު ޑިސްޕްލޭ ސައިޒް، ކެމެރާ ކޮނޓްރޯލް، އިނޮވޭޓިވް ޕްރޯ ކެމެރާ ފީޗާތައް އަދި ބެޓެރި ލައިފްއަށް އިތުރު ކުރިއެރުންތަކެއް ވަނީ ގެނެސްފަ އެވެ.