އެލިއާ އިން ކައްޕިންނަށް ބޭއްވި ތަމްރީނު ނިންމާލައިފި

އެލިއާއިން ކަނޑު އުޅަނދުފަހަރުގެ ކައްޕިންނަށް އަމާޒުކޮށްގެން ބޭއްވި ބޯޓް އޮޕަރޭޓާސް ޓްރެއިނިން (ބީއޯޓީ) ނިންމާލައިފި އެވެ. 

ވީ ކިހިނެއް؟ - ބީއޯޓީއަކީ އެލިއާއިން މޯލްޑިވްސް އިންސްޓިޓިއުޓް އޮފް ޓެކްނޮލޮޖީ (އެމްއައިޓީ)އާ ގުޅިގެން އަހަރަކު އެއްފަހަރު ބާއްވާ ތަމްރީން ޕްރޮގްރާމެކެވެ. މި އަހަރުގެ ޕްރޮގްރާމު ކުރިއަށް ގެންދިޔައީ މި މަހުގެ 6-8 އަށެވެ.

ތަފްސީލް - އެލިއާ އިން ބުނީ މި އަހަރުގެ ޕްރޮގުރާމުގައި ގިނަ އަދަދެއްގެ ރިސޯޓުތަކާއި ކަނޑުދަތުރުފަތުރުގެ ހިދުމަތް ދޭ ކުންފުނިތައް އަދި ސަރުކާރުގެ މުވައްސަސާތަކުން ވެސް ބައިވެރިވި ކަމަށެވެ.

މި ޓްރެއިނިންގެ މަގުސަދަކީ، އެލިއާ އިން ބުނި ގޮތުގައި، ކެޕްޓަނުންގެ ހުނަރުތައް ތަރައްގީކޮށް ކަނޑު އުޅަނދުފަހަރުގެ ސަލާމަތާއި ރައްކާތެރިކަމާ ބެހޭ ފަންނީ މައުލޫމާތު ދިނުމެވެ.

އެ ޕްރޮގްރާމުގައި ކުރިއަށް ގެންދިޔަ ސެޝަންތަކުގެ ތެރޭގައި:

ފާހަގަ ކުރެވޭ  - މިއީ އެލިއާއިން ޔަމަހާ އައުޓްބޯޑު އިންޖީނު ރާއްޖެއަށް ތައާރަފްކުރިތާ 50 އަހަރު ފުރޭ ރަން ޔޫބީލް އަހަރެވެ.

ޖަޕާނުގެ ޔަމަހާ ޓެކްނިކަލް އެކަޑަމީ އާއި އެލިއާ އިންވެސްޓްމަންޓްސް ގުޅިގެން 'ޔަމަހާ ޓެކްނިކަލް ޓްރެއިނިން'ގެ މިއަހަރުގެ ތަމްރީން ޕްރޮގްރާމު ވެސް އެލިއާ އިން ވަނީ އިފްތިތާހު ކޮށްފަ އެވެ.

މުޖުތަމައަށް ބޭނުންތެރި މިފަދަ ތަފާތު ޕްރޮގްރާމްތައް ހިންގަމުން އަންނަ އެލިއާއިން ވަނީ ކަނޑު ދަތުރުފަތުރުގެ ހިދުމަތްދޭ ކުންފުނިތަކާއި ރިސޯޓުތަކާއި ސަރުކާރު މުއައްސަސާތަކުގެ ފަރާތުން މި ޕްރޮގްރާމްތަކަށް ލިބޭ ތަރުހީބު ފާހަގަކޮށް އެކަމަށް ޝުކުރު އަދާކޮށްފަ އެވެ.