އަޔާދީގެ ޗައިލްޑް އެޑިއުކޭޝަން ޕްލޭން ޑިސްކައުންޓް އަގުގައި ނަގަން އިތުރު ފުރުސަތެއް

އެލައިޑް އިންޝުއަރެންސްގެ އިސްލާމިކް ވިންޑޯ، އަޔާދީގެ ޗައިލްޑް އެޑިއުކޭޝަން ޕްލޭން ހެޔޮ އަގުގައި ނެގޭ ޕްރޮމޯޝަންގެ މުއްދަތު އެ ކުންފުނިން އިތުރުކޮށްފި އެވެ.

ތަފްސީލު - އަޔާދީގެ ޗައިލްޑް އެޑިއުކޭޝަން ތަކާފުލްއަށް އަމާޒުކޮށް ކުރިއަށްގެންދިޔަ ޑިސްކައުންޓް ޕްރޮމޯޝަންގެ މުއްދަތު 30 ޖޫންއަށް ވަނީ ހަމަވެފަ އެވެ.

ނަމަވެސް، ގިނަ މީހުންގެ އެދުމުގެ މަތިން އަޔާދީއިން ވަނީ އެ ޕްރޮމޯޝަންގެ މުއްދަތު 9 އޮގަސްޓާ ހަމައަށް އިތުރުކޮށްފަ އެވެ.

މި މުއްދަތުގައި ޗައިލްޑް އެޑިއުކޭޝަން ތަކާފުލް ޕްލޭން ގަންނަ ކަސްޓަމަރުންގެ ތެރެއިން އެންމެ ފުރަތަމަ 50 ކަސްޓަމަރުންނަށް ޕްލޭންގެ ފުރަތަމަ މަހުގެ ޕޭމަންޓުން %50ގެ ޑިސްކައުންޓެއް ލިބޭނެ އެވެ.

މި ޕްލޭން އަދި ޕްރޮމޯޝަނާ ބެހޭ އިތުރު މައުލޫމާތު އެލައިޑްގެ ހިލޭ ގުޅޭ ހޮޓްލައިން ނަންބަރު 1600އަށް ގުޅައިގެން ހޯދޭނެ އެވެ.