އެލައިޑް ރޯދަ ޕްރޮމޯޝަނާއި މަދަހަ މުބާރާތުގައި ބައިވެރިވުމުގެ ފަހު ފުރުސަތު މިއަދު

މިއީ އެލައިޑް އިންޝުއަރެންސްއިން މި އަހަރުގެ ރޯދަމަހު ކުރިއަށްގެންދާ ޕްރޮމޯޝަނާއި މަދަހަ މުބާރާތުގައި ބައިވެރިވެ، އިނާމު ހޯދުމުގެ ސުންގަޑި ހަމަވާ ދުވަހެވެ.

މި ޕްރޮމޯޝަންގައި ގެދޮރުގައި ހުންނަ މުދަލަށް ހާއްސަ އިސްލާމިކް އިންޝުއަރެންސް ޕްލޭން، 'ހިޔާވަހި' ޕްލޭންގެ އަހަރަކަށް 600ރ. ދައްކައިގެން 650،000ރ.އާ ހަމައަށް ބަދަލު ލިބޭ ލަގްޒަރީ ޕްލޭން ނަގާ ކޮންމެ ކަސްޓަމަރަކަށް، ކޮންމެ ޕްލޭނަކާއި އެއް އަގުގެ ގިފްޓް ޕެކެއް ލިބޭނެ އެވެ.

އޮންލައިންކޮށް މައި އެލައިޑް ޕޯޓަލް އަދި އެލައިޑް މޮބައިލް އެޕްލިކޭޝަނުން ވަގުތުން ނެގޭ މި ޕްލޭނަކީ، އެލައިޑުން ފާހަގަކުރާ ގޮތުގައި ގެދޮރުގެ ރައްކާތެރިކަމަށް އެޅޭ މުހިންމު ފިޔަވަޅެކެވެ. އެގޮތުން:

ހިޔާވަހީގެ ލަގްޒަރީ ޕްލޭންއަކާ އެކު ދޫކޮށްލާ ހަދިޔާ ހޯދުމަށް ދާން ޖެހޭނީ ޕްލޭން ނަގާތާ އެއް މަސް ދުވަހުގެ ތެރޭގައި، ރަސްމީ ގަޑީގައި ހ. އޯކިޑުގައި ހުންނަ އެލައިޑް ކަސްޓަމާ ފްރަންޓް އޮފީހަށެވެ.

ކުޑަކުދިންނަށް ހާއްސަކޮށްގެން އެލައިޑުން މި އަހަރު ފޭސްބުކްގައި ކުރިއަށްގެންދާ މަދަހަ މުބާރާތުގެ ސުންގަޑި ވެސް މިރޭ 12 ޖަހާއިރު ހަމަވާނެ އެވެ.

މުބާރާތަށް ހާއްސަ ހޭޝްޓެގް، #އެލައިޑްމަދަހަ ޖެހުމަށްފަހު ޕޯސްޓު ކޮށްލުމުން މުބާރާތުގައި ބައިވެރިވެވޭނެ އެވެ.

މި މުބާރާތަށް ހުށަހަޅާ މަދަހަ ވީޑިިއޯތަކުގެ ތެރެއިން ފަނޑިޔާރުން އެންމެ މޮޅުކަމަށް ނިންމާ ވީޑިއޯ ހުށަހަޅާ ފަރާތަކަށް އިނާމެއްގެ ގޮތުގައި އައިޕެޑެއް ދިނުމަށް ވަނީ ނިންމާފަ އެވެ.

މުބާރާތުގައި ބައިވެރިވެވޭނީ 12 އަހަރުން ދަށުގެ ކުދިންނަށެވެ. އަދި ވީޑިއޯ ޕޯސްޓު ކުރަންވާނީ ބެލެނިވެރިޔާގެ ހުއްދައާ އެކު، ބެލެނިވެރިޔާގެ ފޭސްބުކް އެކައުންޓުން ޕަބްލިކް ސެޓިންގަ އެވެ.

މި މުބާރާތަށް މިހާރުވެސް އާންމުންގެ ފަރާތުން ލިބެމުން އަންނަ ތަރުހީބު ފާހަގަކޮށް އެލައިޑުން ވަނީ ޝުކުރު އަދާކޮށްފަ އެވެ.