ވިމެންސް ޕްރިމިއާ ލީގުގެ ހުރިހާ މެޗެއް މީޑިއާނެޓުން ދައްކަނީ

އިންޑިއާގައި އަންހެނުންގެ މެދުގައި ކުޅޭ ކުލަގަދަ ކްރިކެޓް މުބާރާތް، ވިމެންސް ޕްރިމިއާ ލީގު (ޑަބްލިޔުޕީއެލް)ގެ ދެވަނަ ސީޒަން މިރޭ ފަށާނެ އެވެ.

މިދިޔަ އަހަރު ތައާރަފް ކުރި މި މުބާރާތަށް ރާއްޖެ އާއި ދުނިޔޭގެ އެކި ކަންކޮޅުތަކުން ބޮޑު ތަރުހީބެއް ވަނީ ލިބިފަ އެވެ.

މީޑިއާނެޓުން ބުނިގޮތުގައި މިދިޔަ އަހަރެކޭ އެއްފަދައިން މި އަހަރު ވެސް މުބާރާތުގެ ފޯރިގަދަ ހުރިހާ މެޗެއް މީޑިއާނެޓު މެދުވެރިކޮށް ވަގުތުން ފެންނާނެ އެވެ.

މި އަހަރުގެ މުބާރާތުގައި ކޮންމެ ދުވަހަކު ކުޅޭނީ އެއް މެޗެވެ.

މި މުބާރާތުގެ އިތުރުން މާޗް މަހު ފަށާ އިންޑިއަން ޕްރިމިއާ ލީގުގެ މެޗުތައް ވެސް ވަގުތުން ގެނެސްދޭނެ ކަމަށް މީޑިއާނެޓުން ބުންޏެވެ.

މީޑިއާނެޓުން ވަނީ މި ދެ މުބާރާތަށް ހާއްސަ އެމްއެސް ޑިޖިޓަލް ސީޒަން ފާސްތަކެއް ތައާރަފްކޮށްފަ އެވެ. އެ ކުންފުނިން ބުނިގޮތުގައި އެމްއެސް ޑިޖިޓަލް އެޕްލިކޭޝަން މެދުވެރިކޮށް ކޮންމެ ވަގުތަކު ކޮންމެ ތާކު ހުރެ ވެސް މި މެޗުތައް ބަލާލެވޭނެ އެވެ.

ސީޒަން ފާސްތަކުގެ ތެރޭގައި ހިމެނެނީ:

ބެންގަލޫރާއި ނިއު ދިއްލީގައި ކުޅޭ ޑަބްލިޔުޕީއެލްގެ ފުރަތަމަ މެޗުގައި މިރޭ ބައްދަލުކުރާނީ އެންމެ ފަހުގެ ޗެމްޕިއަން ޓީމް މުމްބާއީ އިންޑިއަންސް އާއި ރަނަރަޕް ދިއްލީ ކެޕިޓަލްސް އެވެ.

މާދަމާ ރޭ ރޯޔަލް ޗެލެންޖާޒް ބެންގަލޯ އަމިއްލަ ދަނޑުގައި ޔޫޕީ ވޮރިއާޒްއާ ވާދަކުރާނެ އެވެ.

މި މުބާރާތް މިރޭ ފަށާނީ ހުޅުވުމުގެ ކުލަގަދަ ރަސްމިއްޔާތަކާ އެކު އެވެ.